Enyi é wuvɛ̌ bɔ mǐ na mɔ agbazazɔ́ ɔ, enɛ sixu zɔ́n bɔ Axɔ́suɖuto ɔ kpo nǔjlɔjlɔwiwa Mawu tɔn kpo na nɔ tɛn nukɔntɔn ɔ mɛ ɖò gbɛzán mǐtɔn mɛ. Enɛ sixu zɔ́n bɔ mǐ na yí gbè nǔ azɔ̌ e sixu zɔ́n bɔ Jehovah sinsɛn na vɛwǔ nú mǐ, alǒ zɔ́n bɔ mǐ na tɛ afɔ nǔgbododó Biblu tɔn lɛ jí é ɖé. Amɔ̌, mǐ sixu ɖeji ɖɔ Jehovah nɔ na hlɔnhlɔn “mɛ e yí wǎn n’i kpo ayixa yetɔn bǐ kpo lɛ” é. (2Tan 16:9) Nǔ ɖebǔ sixu glɔ́n ali nú Tɔ́ mǐtɔn wanyiyinɔ ɔ b’ɛ na gɔn alɔ dó mǐ, bo lɛ́ gɔn hudo mǐtɔn lɛ sín dò sú nú mǐ ǎ. (Hlɔ 8:32) Enɛ wu ɔ, enyi mǐ jló na wá gbeta lɛ kɔn dó azɔ̌ e mǐ na wà é wu ɔ, mǐ ɖó na ganjɛ Jehovah wu, bɔ ayi mǐtɔn na lɛ́ ɖò sinsɛnzɔ́ tɔn jí hwebǐnu.—Ðɛ 16:8.

KPƆ́N VIDEO MI W’AZƆ̌ KPO LINDƆ̌N MITƆN BǏ KPO NÚ JEHOVAH Ɔ, ENƐ GUDO HǓN, NǍ XÓSIN NÚ NǓKANBYƆ ELƆ LƐ:

• Etɛwu Jason ka gbɛ́ nǔɖuɖonǔmɛ?

• Nɛ̌ Kolosinu lɛ 3:23 ka kan mǐ gbɔn?

• Nɛ̌ kpɔ́ndéwú ɖagbe Jason tɔn ka d’alɔ Tɔmáa gbɔn?

• Nɛ̌ Matie 6:22 ka kan mǐ gbɔn?