Ðò novembre mɛ ɔ, mǐ na dó gǎn bǔnɔ ɖé bo na jlá wɛnɖagbe ɔ ɖɔ gbɛ̀ ɖagbe ɖé ko ɖò kɛnnɛkɛnnɛ. (Ðɛ 37:10, 11; Nǔ 21:3-5) Huzu tuto towe lɛ sɔgbe xá bá dó ɖ’alɔ ɖò nǔjlajla enɛ mɛ bǐ mlɛ́mlɛ́. Enyi a d’alɔ wema mɛ bo na nyí gbexosin-alijitɔ́ alɔgɔtɔ́ ɖò sun enɛ mɛ ɔ, a sixu na ganxixo 30 alǒ 50 e è byɔ é.

Sɔnǔ ɖ’ayǐ bá xà wemafɔ e ɖɔ xó dó gbɛ̀ yɔyɔ̌ ɔ wu lɛ é ɖé nú mɛ gegě lee a kpéwú gbɔn é. Lin tamɛ dó nǔ e nɔ dɔn mɛ lɛ hugǎn ɖò fí e agun towe nɔ ɖè kúnnu gbɔn lɛ é jí hwenu e a ɖò wemafɔ ɖé sɔ́ wɛ é. Enyi mɛɖé ɖè jlǒ xlɛ́ ɖò xóɖɔɖókpɔ́ nukɔntɔn ɔ hwenu hǔn, sɔ́ Atɔxwɛ mɛ bǐ tɔn N^o 2 2021 tɔn ɖokpo n’i. Enɛ gudo hǔn, flɔ́ zo dó glɔ̌ nú jlǒ e mɛ ɔ ɖexlɛ́ é dó yiya mɛ, bo zán alɔnuwema Ðu Gbɛ̀ Víví Kaka Sɔyi! ɔ dó jɛ Biblu kplɔ́n xá ɛ jí. Awǎjijɛ sín nǔ ɖaxó ɖé wɛ ɖɔ mǐ ni hɛn alɔnu mǐtɔn ján ɖò ‘wɛnɖagbe nǔ ɖagbe tɔn ɖé’ jijla mɛ!—Eza 52:7.

KPƆ́N VIDEO HAN BǓNƆ GBƐ̀ YƆYƆ̌ Ɔ Ɔ, ENƐ GUDO HǓN, NǍ XÓSIN NÚ NǓKANBYƆ ELƆ LƐ:

• Sɔgudo jiwǔ tɛ mɛ dó nukún kpɔ́n wɛ nyɔnuví ɔ ka ɖè?

• Nǔ ɖagbe tɛ lɛ mɔ̌ ɖó nukún wɛ a ka ɖè bo na mɔ ɖò gbɛ̀ yɔyɔ̌ ɔ mɛ?

• Nɛ̌ tamɛ linlin dó nukúnɖiɖó towe jí ka na d’alɔ we bɔ a na sɔnǔ ɖ’ayǐ bo na ɖ’alɔ ɖò nǔjlajla novembre tɔn ɔ mɛ bǐ mlɛ́mlɛ́ gbɔn?—Lk 6:45