Gbɛ ninɔ ɖo azǎn gǔdo gúdo tɔn élɔ́ lɛ́ mɛ ɖó wǔvɛ́ gěgé. Ée gbɛ élɔ́ sín vivɔnu ná ɖo sisɛkpɔ́ wɛ é ɔ, é ɖo wɛn ɖɔ wǔvɛ́ lɛ́ ná ɖo jijɛjí wɛ. Hweɖélɛ́nu ɔ, nǔ agbaza tɔn ɖé lɛ́ sixú hwedó mǐ. (Xab 3:16-18) Étɛ́ ka ná d’alɔ mǐ bɔ mǐ ná ɖi xwi xá akwɛ́yózo kpó jiɖiɖe kpó? Mǐ ɖó ná kpo ɖo ji ɖe dó Jexóva, Mawu mǐtɔn wú wɛ. É ko d’akpá ɖɔ émí ná kpé nukún dó mɛsɛntɔ́ émítɔn lɛ́ wú, bɔ é kpé wú bo ná sú hudó mǐtɔn lɛ́ sín do nú mǐ ɖo ninɔmɛ ɖěbǔ mɛ.—Ðɛ 37:18, 19; Eb 13:5, 6.

Nǔ e a sixú wá é:

• Sa vo nú Jexóva nú é ní xlɛ́ ali we, ná nǔnywɛ́ we, bo lɛ́ nɔ gǔdo nú we.—Ðɛ 62:9

• Ðo gbesisɔmɛ bá yí gbe nú azɔ̌ e a sixú ko nɔ ma wa kpɔ́n é.—g 1/10 8-9, gbǎví lɛ́

• Kpo ɖo aca gbigbɔ tɔn ɖagbe ɖé ɖó wɛ, énɛ́ wɛ nyí ɖɔ a ní nɔ xa Xó Mawu tɔn gbe bǐ gbe, nɔ yi kplé agun tɔn lɛ́, bo nɔ lɛ́ ɖ’alɔ ɖo sinsɛnzɔ́ ɔ mɛ

KPƆ́N VIDEO GBǍ XƆ E NÁ NƆ AYǏ SƆ́YI É ÐÉ: “NǓ E ÐO MI SÍ Ɔ NÍ KPÉ MI” Ɔ, ÉNƐ́ GÚDO HǓN, NǍ XÓSIN NÚ NǓKANBYƆ́ ÉLƆ́ LƐ́:

• Wǔvɛ́ tɛ́ lɛ́ xwédo ɖé lɛ́ ka mɔ?

• Étɛ́ ka nyí nǔ e nyí nǔ tají hú gán ɖo gbɛmɛ é?

• Nɛ̌ mǐ ka sixú d’alɔ mɛ ɖěɖěe ɖo xwi ɖí xá akwɛ́yózo wɛ lɛ́ é gbɔn?