Ényí mɛvívɛ́ mǐtɔn ɖé kú ɔ, nukúnɖíɖó fínfɔ́n sín kú tɔn nɔ dó gbɔ nú mǐ. É ɖo mɔ̌ có, hwɛhuhu kpó kú kpó cí nǔwamɛvɔ e nɔ glɔ́n agbɔ̌n nú mɛ syɛ́nsyɛ́n é ɖé ɖɔhun, bo gbló cyɔ́n mǐ bǐ. (Eza 25:7, 8) Hwɛjijɔ e wú “nǔ e è bló lɛ́ bǐ . . . ɖo azɔn wɛn wɛ, bo ɖo wǔvɛ́ mɔ wɛ” é ɖokpó nɛ́. (Hlɔ̌ 8:22) Nɛ̌ mǐ ka sixú ɖo xwi ɖí xá aluwɛ e kú mɛvívɛ́ mǐtɔn lɛ́ tɔn nɔ hɛn wá é wɛ gbɔn káká jɛ hwenu e fínfɔ́n sín kú ná jɛnu bɔ mǐ ná mɔ é? Nǔgbódodó e sixú d’alɔ mǐ lɛ́ é ɖo Xó Mawu tɔn mɛ.

KPƆ́N VIDEO HWENU E MƐVÍVƐ́ MƐTƆN ÐÉ KÚ É Ɔ, ÉNƐ́ GÚDO HǓN, NǍ XÓSIN NÚ NǓKANBYƆ́ ÉLƆ́ LƐ́:

• Wǔvɛ́ tɛ́ Danielle, Masahiro kpó Yoshimi kpó ka ɖí xwi xá?

• Nɛ̌ wěɖexámɛ atɔ́ɔ́n ɖé lɛ́ ka d’alɔ yě gbɔn?

• Mɛ̌ ka nyí Jɔtɛn gbɔdónúmɛ tɔn ɖaxó bǐ ɔ?—2Kɔ 1:3, 4