Mɛ bǐ wɛ nɔ blá wǔ hweɖélɛ́nu. Ényí è blá wǔ ɔ, énɛ́ xlɛ́ ɖɔ nǔɖiɖi hwedó mɛ ǎ. È ka ná ɖɔ ɔ, wǔ tlɛ kú Jexóva lɔ hweɖélɛ́nu. (Bǐ 6:5, 6) Amɔ̌, ényí wǔ ka nɔ kú mǐ zɛ xwé wú hwɛhwɛ alǒ hwebǐnu ɔ ka lo?

Xo ɖɛ sɛ́dó Jexóva bá dó mɔ alɔdó. Ganjíninɔ mǐtɔn ɖo taglomɛ kpó lěe nǔ nɔ cí nú mǐ é linu kpó nɔ ɖu ayi mɛ nú Jexóva. É tuun hwenu e mǐ nɔ j’awǎ é kpó hwenu e wǔ nɔ kú mǐ é kpó. Ényí mǐ lin nǔ ɖo ali ɖé nu alǒ nǔ cí ɖě nú mǐ ɖo ali ɖé nu ɔ, é nɔ tuun nǔ e wú mǐ wa nǔ gbɔn mɔ̌ é. (Ðɛ 7:10a) Éé lɛ́ ɖo tají hú bǐ é wɛ nyí ɖɔ Jexóva nɔ kpé nukún dó mǐ wú, bo lɛ́ kpé wú bá d’alɔ mǐ bɔ mǐ ná ɖí xwi xá wǔ bláblá káká jɛ linkpɔ́n lɔ jí.—Ðɛ 34:19.

Cɔ́ nǔ e jí a nɔ lin tamɛ dó lɛ́ é. Tamɛ linlin dó nǔ e ma sɔgbe ǎ lɛ́ é jí sixú zɔ́n bɔ mǐ ná gɔn awǎjijɛ ɖó, bo lɛ́ wa nǔ dó mawusinsɛn mǐtɔn wú. Énɛ́ wú ɔ, é ná nyɔ́ ɖɔ mǐ ní nya xɛ ɖo ayi mǐtɔn, énɛ́ wɛ nyí mɛ e mǐ nyí ɖo xomɛ é jí.—Nǔx 4:23.

KPƆ́N VIDEO NǓ ÉLƆ́ LƐ́ ÐO FÍNƐ́ CÓ, NƆVÍ MǏTƆN LƐ́ ÐO FÍFÁ SÍN VǏVÍ ÐU WƐ: LINKPƆ́NZƆN Ɔ, ÉNƐ́ GÚDO HǓN, NǍ XÓSIN NÚ NǓKANBYƆ́ ÉLƆ́ LƐ́:

• Nǔ tawun tawun tɛ́ lɛ́ Nikki ka wa bɔ yě d’alɔ ɛ b’ɛ ɖí xwi xá linkpɔ́nzɔn?

  Xósin towe

• Étɛ́wú Nikki ka mɔ ɖɔ émí ɖó ná ba alɔdó dotóo lɛ́ tɔn?—Mt 9:12

  Xósin towe

• Ali tɛ́ lɛ́ nu Nikki ka gán jɛ Jexóva wú nú é ná d’alɔ ɛ ɖe?

  Xósin towe