Nǔ gbɛ́ dó Jɔbu, b’ɛ ɖò aluwɛ mɛ, lobo lɛ́ j’azɔn syɛnsyɛn; amɔ̌, é nɔ gbeji. Enɛ wu ɔ, Satáan tɛnkpɔn bá dó awakanmɛ kú i bonu é ni ma sɔ́ nɔ gbeji ó. Xɔ́ntɔn tɔn enyíì atɔn wá gɔ̌n tɔn. Jɛ nukɔn hwɛ̌ ɔ, ye sè wuvɛ̌ xá ɛ ɖò mɛ bǐ nukúnmɛ. Enɛ gudo ɔ, ye jinjɔn Jɔbu kpá xwii nú azǎn tɛnwe, bo tlɛ ɖɔ xó ɖokpo vɔ́vɔ́ dó dó gbɔ n’i ǎ. Xó yetɔn e wá bɔ d’ewu lɛ é nyí mǎnyimɛ kpo hwɛdómɛ syɛnsyɛn kpo sín xó kɛɖɛ.