Lee nǔkplɔnkplɔn elɔ lɛ sixu hɛn lè wá nú we hugǎn gbɔn é
Jɛ nukɔn hwɛ̌ ɔ, kpɔ́n lee nǔkplɔnkplɔn lɛ cí bɔ è xlɛ́ ɖò fí é, enɛ gudo hǔn, xò VIDEO ɔ.
AKPÁXWÉ NUKƆNTƆN
Nú a na sɔnǔ nú nǔkplɔnkplɔn ɖokpo ɖokpo hǔn, xà akpáxwé nukɔntɔn ɔ. Nǔkanbyɔ ɖěɖee è sɔ́ wekwín tlitli dó wlán na lɛ é (A) kpo wemafɔ lɛ (B) kpo nɔ tɛɖɛ̌ nǔ taji lɛ jí. Ðǒ ayi wu ɖɔ è wlán “xà” ɖó wemafɔ ɖé lɛ kpá.
AKPÁXWÉ E ÐÒ TƐNTIN É
Nǔ e è ɖɔ jɛ nukɔn (C) ɖò Ba Dò nú Nǔ D’eji glɔ́ é nɔ tinmɛ nǔ e jí na ɖɔ xó dó wɛ è ɖè lɛ é. Xótalá lɛ (D) nɔ sɔ́ nǔ taji lɛ sín nu ɖó te. Hwi kpo nǔkplɔnmɛtɔ́ towe kpo ni nɔ xà wemafɔ lɛ, nɔ na xósin nú nǔkanbyɔ lɛ, bo nɔ lɛ́ kpɔ́n video lɛ.
VIDEO lɛ nɔ gɔ́ sò nú nǔ ɖěɖee jí è ɖɔ xó dò ɖò nǔkplɔnkplɔn ɔ mɛ lɛ é. Video ɖé lɛ nɔ nyí tan nǔ e jɛ nǔgbo lɛ é tɔn. Ðevo lɛ nyí wazexlɛ́ lɛ, bo nɔ xlɛ́ nǔ ɖěɖee sixu jɛ nǔgbo nǔgbo lɛ é.
Nɔ kpɔ́n ɖiɖe lɛ kpo tinmɛ e è na dó ye jí lɛ é kpo (E), bo nɔ lin tamɛ dó lee a na na xósin nú nǔ e Mɛɖé lɛ Ðɔ (F) é gbɔn é jí.
AKPÁXWÉ GUDO TƆN
Etɛ lɛ A ka Kplɔ́n? kpo Vɔ̌gbɔnji kpo (G) nɔ sú ta nú nǔkplɔnkplɔn ɔ. Wlǎn azǎn e jí nǔkplɔnkplɔn ɔ fó é. Nǔ E Gbé A Sixu Nya É (H) na ɖɔ nǔ e jí a na w’azɔ̌ dó é nú we. Nǔ ɖevo e a sixu xà alǒ kpɔ́n lɛ é ɖò Kíjé (I) mɛ.
Nǔ E Ð’emɛ lɛ É
|
|
|
|
Lee a sixu mɔ wemafɔ Biblu tɔn lɛ gbɔn é
Wema 66 wɛ ɖò Biblu ɔ mɛ. Bɔ è ma ye ɖó akpáxwé we: Akpáxwé Biblu Tɔn E È Wlán Dó Ebléegbe kpo Alamugbe kpo Mɛ É (“Alɛnuwema Xóxó”), kpodo Akpáxwé Biblu Tɔn E È Wlán Dó Glɛkigbe Mɛ É (“Alɛnuwema Yɔyɔ̌”) kpan.
Nǔ elɔ lɛ wɛ nɔ dó gesí wemafɔ e ɖò nǔkplɔnkplɔn elɔ lɛ mɛ lɛ é: Wema Biblu tɔn ɔ (A), wemata ɔ (B), kpo wemafɔ alǒ wemafɔ lɛ kpo (C).
Ði kpɔ́ndéwú ɔ, Jaan 17:3 sín tinmɛ wɛ nyí wema Jaan tɔn, wemata 17, wemafɔ 3.
Xóta élɔ́ lɛ́ lɔ sixú jɛjí nú we
NǓ E MƐ LƐ́ NƆ YÁ WǓ KANBYƆ́ LƐ́ É
Nɛ̌ tuto Biblu kplɔ́nkplɔ́n tɔn e Kúnnuɖetɔ́ Jehovah tɔn lɛ́ nɔ xwlé mɛ é ka nɔ yi gbɔn?
Kpó Biblu kplɔ́nkplɔ́n vɔ̌nu sín tuto e Kúnnuɖetɔ́ Jehovah tɔn lɛ́ nɔ xwlé mɛ é kpó ɔ, a sixú zán lǐlɛ́dógbeɖévomɛ Biblu tɔn ɖěbǔ. A vo bó ná ylɔ́ xwédo towe blěbú alǒ xɔ́ntɔn towe lɛ́ ɖěbǔ bɔ yě ná gɔ́ nú we.
