NǓKPLƆNKPLƆN 15
Mɛ̌ ka Nyí Jezu?
Jezu nyí ɖokpo ɖò mɛ e è tuùn hugǎn ɖò hwenuxó mɛ lɛ é mɛ. Mɛ gegě tuùn Jezu sín nyikɔ, amɔ̌, ye tuùn nǔ kaka ɖé dó wǔ tɔn ǎ. Gɔ́ na ɔ, mɛ gegě nɔ ɖó linlin vovo lɛ dó mɛ e Jezu nyí tawun é wu. Etɛ Biblu ka ɖɔ dó wǔ tɔn?
1. Mɛ̌ ka nyí Jezu?
Jezu nyí nǔɖiɖó gbigbɔ tɔn hlɔnhlɔnnɔ ɖé bo nɔ nɔ jixwé. Éyɛ wɛ Jehovah Mawu dá jɛ nukɔn nú nǔ ɖevo e tíìn lɛ é bǐ. Hwɛjijɔ enɛ wu wɛ è ɖɔ ɖɔ “nukɔngbeví wɛ é nyí, bo hugǎn nǔ e Mawu bló lɛ bǐ.” (Kolosinu lɛ 1:15) Biblu ɖɔ ɖɔ Jezu nyí “Vǐɖokponɔ” Mawu tɔn, ɖó éɖokponɔ géé wɛ Jehovah dá tlɔlɔ. (Jaan 3:16) Jezu wà azɔ̌ alɔ ɖò alɔ mɛ xá Tɔ́ tɔn Jehovah, bo d’alɔ ɛ b’ɛ dá nǔ ɖevo lɛ bǐ. (Xà Nǔnywɛxó 8:30, nwt.) Jezu kpò ɖò kancica ɖagbe ɖé sín vivǐ ɖu xá Jehovah wɛ. É nɔ sɛn Mawu kpo gbejininɔ kpo ɖi ɖɛ̌mɛnu tɔn, é wɛ nyí “Xó ɔ,” bo nɔ dó wɛn Mawu tɔn lɛ, lobo nɔ lɛ́ ɖɔ gbeɖiɖe Tɔn lɛ.—Jaan 1:14.
2. Etɛwu Jezu ka wá ayikúngban jí?
É ko bló xwè 2 000 mɔ̌ dìn bɔ Jehovah zán gbigbɔ mímɛ́ tɔn gbɔn nǔjiwǔ gblamɛ dó zé gbɛ̀ Jezu tɔn sín jixwé dó xomɛ nú ɖyɔvǐ ɖò alɔji e nɔ nyí Mali é. Ðò ali enɛ nu ɔ, è jì Jezu bɔ é nyí gbɛtɔ́. (Xà Luki 1:34, 35.) Jehovah sɛ́ Jezu dó ayikúngban jí bɔ é na nyí Mɛsiya e sín akpá è dó é, alǒ Klisu, lobo na hwlɛn gbɛtɔ́ lɛ gán. a Nǔɖɔɖ’ayǐ Biblu tɔn ɖěɖee kúnkplá Mɛsiya ɔ lɛ é bǐ wɛ jɛnu gbɔn Jezu jí, bɔ enɛ zɔ́n bɔ gbɛtɔ́ lɛ kpéwú bo tuùn ɖɔ é wɛ nyí “Klisu Mawu gbɛɖe ɔ sín Vǐ.”—Matie 16:16.
3. Fitɛ Jezu ka ɖè dìn?
Ee Jezu kú gudo é ɔ, Mawu fɔ́n ɛ bɔ é huzu nǔɖiɖó gbigbɔ tɔn ɖé bo lɛkɔ yì jixwé. Ðò dɔ̌n ɔ, “Mawu sɔ́ ɛ sù, bo sɔ́ ɛ ɖó tɛn e nyí ɖaxó bǐ ɔ mɛ.” (Filipunu lɛ 2:9) Dìn ɔ, Jezu nyí wɛnsagun hlɔnhlɔnnɔ ɖaxó ɖé. Jehovah kɛɖɛ wɛ ɖó hlɔnhlɔn hú Jezu.
BA DÒ NÚ NǓ D’EJI
Kplɔ́n nǔ dó mɛ alɔkpa e Jezu nyí tawun é wu d’eji, bo lɛ́ kplɔ́n nǔ e wu é ɖò taji tawun ɖɔ è ni kplɔ́n nǔ dó wǔ tɔn é.
4. Jezu nyí Mawu Nǔbǐwukpétɔ́ ǎ
Biblu kplɔ́n mɛ ɖɔ Jezu nyí nǔɖiɖó gbigbɔ tɔn hlɔnhlɔnnɔ ɖé ɖò jixwé có, é nɔ setónú nú Jehovah e nyí Mawu tɔn bo lɛ́ nyí Tɔ́ tɔn é. Aniwu mǐ ka sixu ɖɔ mɔ̌? Xò VIDEO ɔ bá kpɔ́n nǔ e Biblu kplɔ́n mɛ dó lee Jezu gbɔn vo nú Mawu gbɔn é wu é.
Wemafɔ e bɔ d’ewu lɛ é d’alɔ mǐ bɔ mǐ mɔ nukúnnú jɛ kancica e ɖò Jehovah kpo Jezu kpo tɛntin é wu. Xà wemafɔ lɛ ɖokpo ɖokpo, enɛ gudo hǔn, mi ɖɔ xó ɖó kpɔ́ dó nǔkanbyɔ e bɔ d’ewu lɛ é jí.
Xà Luki 1:30-32.
-
Nɛ̌ wɛnsagun ɔ ka tinmɛ kancica e ɖò Jezu kpo Jehovah Mawu “Ajalɔnlɔn” ɔ kpo tɛntin é gbɔn?
Xà Matie 3:16, 17.
-
Ðò baptɛm Jezu tɔn hwenu ɔ, etɛ gbè e ɖi sín jixwé é ka ɖɔ?
-
Gbè mɛ̌ tɔn ka wɛ bɔ a lin?
Xà Jaan 14:28.
-
Ðò tɔ́ ɖé kpo vǐ ɖé kpo tɛntin ɔ, mɛ̌ ka nyí mɛxo bo lɛ́ ɖó acɛ hugǎn?
-
Jezu ylɔ́ Jehovah ɖɔ Tɔ́ emitɔn. Etɛ enɛ ka kplɔ́n mǐ?
Xà Jaan 12:49.
-
Jezu lin ɖɔ emi kpo Tɔ́ emitɔn kpo nyí mɛ ɖokpo ɔ lɛ wɛ à? Etɛ a ka lin?
5. Nǔ e xlɛ́ ɖɔ Jezu wɛ nyí Mɛsiya ɔ lɛ é
Nǔɖɔɖ’ayǐ gegě ɖò Biblu mɛ bo na d’alɔ gbɛtɔ́ lɛ bɔ ye na tuùn Mɛsiya ɔ, ee nyí mɛ ɖokpo e Mawu sɔ́ bɔ é na hwlɛn gbɛtɔ́ lɛ gán é. Xò VIDEO ɔ bá kplɔ́n nǔ dó nǔɖɔɖ’ayǐ e jɛnu gbɔn Jezu gblamɛ hwenu e é ɖò ayikúngban jí é ɖé lɛ wu.
Xà nǔɖɔɖ’ayǐ Biblu tɔn elɔ lɛ, enɛ gudo hǔn, mi ɖɔ xó ɖó kpɔ́ dó nǔkanbyɔ e bɔ d’ewu lɛ é jí:
Xà Micée 5:1 bo kpɔ́n fí e è ɖó na jì Mɛsiya ɔ ɖè é. b
-
Nǔɖɔɖ’ayǐ enɛ e kúnkplá jiji Jezu tɔn é ka jɛnu à?—Matie 2:1.
Xà Ðɛhan 34:21 kpo Zakalíi 12:10 kpo bo kpɔ́n nǔ ɖěɖee Biblu ɖɔ ɖ’ayǐ bɔ ye kúnkplá kú Mɛsiya ɔ tɔn é.
-
Nǔɖɔɖ’ayǐ enɛ lɛ ka jɛnu à? —Jaan 19:33-37.
-
A lin ɖɔ Jezu ɖesu sixu bló bɔ nǔɖɔɖ’ayǐ enɛ lɛ ɖebǔ na jɛnu wɛ à?
-
Etɛ enɛ ka xlɛ́ we dó Jezu wu?
6. Nǔ kplɔnkplɔn dó Jezu wu nɔ hɛn lè wá nú mǐ
Biblu tɛɖɛ̌ jí ɖɔ é ɖò taji ɖɔ è ni kplɔ́n nǔ dó Jezu kpo azɔ̌ tɔn kpo wu. Xà Jaan 14:6 kpo 17:3 kpo, enɛ gudo hǔn, mi ɖɔ xó ɖó kpɔ́ dó nǔkanbyɔ elɔ jí:
-
Etɛwu é ka ɖò taji ɖɔ è ni kplɔ́n nǔ dó Jezu wu?
Jezu hun xɔ́ntɔn zunzun xá Mawu sín ali. É kplɔ́n nǔgbo ɔ mɛ dó Jehovah wu, bɔ gbɔn gbla tɔn mɛ ɔ, mǐ sixu mɔ gbɛ̀ mavɔmavɔ
MƐÐÉ LƐ ÐƆ: “Kúnnuɖetɔ́ Jehovah tɔn lɛ ɖi nǔ nú Jezu ǎ.”
-
Xósin tɛ a ka na na mɛ mɔ̌hun lɛ?
ETƐ LƐ A KA KPLƆ́N?
Jezu ɔ, nǔɖiɖó gbigbɔ tɔn hlɔnhlɔnnɔ ɖé wɛ. Vǐ Mawu tɔn wɛ bo lɛ́ nyí Mɛsiya ɔ.
Vɔ̌gbɔnji
-
Etɛwu è ka ɖɔ ɖɔ Jezu ɔ, “nukɔngbeví wɛ é nyí, bo hugǎn nǔ e Mawu bló lɛ bǐ”?
-
Cobonu Jezu na wá ayikúngban jí ɔ, etɛ é ka wà?
-
Nɛ̌ mǐ ka wà gbɔn bo tuùn ɖɔ Jezu wɛ nyí Mɛsiya ɔ?
KÍJÉ
Kplɔ́n nǔ dó lee mǐ wà gbɔn bo tuùn ɖɔ Jezu wɛ nyí Mɛsiya ɔ é wu d’eji.
“Nǔɖɔɖ’ayǐ E Kúnkplá Mɛsiya ɔ lɛ É ka Xlɛ́ Ðɔ Jezu Wɛ Nyí Mɛsiya ɔ À?” (Xóta Ɛntɛnɛti jí tɔn)
Ba dò nú nǔ bo kpɔ́n ɖɔ lee gbɛtɔ́ lɛ nɔ jì vǐ gbɔn é ɔ, mɔ̌ wɛ Mawu jì Jezu gbɔn à jí.
“Etɛwu È ka Ylɔ́ Jezu Ðɔ Vǐ Mawu Tɔn?” (Xóta Ɛntɛnɛti jí tɔn)
Gbějé nǔ e wu Atɔnɖobǔ ma nyí nǔkplɔnmɛ Biblu tɔn ɖé ǎ é kpɔ́n.
“Jezu ɔ, Mawu Wɛ É Nyí À?” (Atɔxwɛ [Flansegbe] 1er avril 2009)
Kpɔ́n lee gbɛzán nawe ɖé tɔn huzu gbɔn hwenu e é ba dò nú nǔ e Biblu ɖɔ dó Jezu wu é gudo é.
“Nawe Jwifu ɖé Tinmɛ Nǔ E Wu É Vɔ́ Nǔɖiɖi Tɔn Gbéjé Kpɔ́n É” (Réveillez-vous! mai 2013)
a Nǔkplɔnkplɔn 26 kpo 27 kpo na ɖɔ xó dó nǔ e wu è ɖó na hwlɛn gbɛtɔ́ lɛ gán é kpo lee Jezu hwlɛn mǐ gán gbɔn é kpo wu.
b Kpɔ́n Tinmɛ E Ðò Vivɔnu É 2gɔ́ bá mɔ nǔɖɔɖ’ayǐ e ɖɔ hwenu e Mɛsiya ɔ na wá ayikúngban jí é pɛ́pɛ́pɛ́ é ɖé.
Xóta élɔ́ lɛ́ lɔ sixú jɛjí nú we
NǓ E MƐ LƐ́ NƆ YÁ WǓ KANBYƆ́ LƐ́ É
Nɛ̌ tuto Biblu kplɔ́nkplɔ́n tɔn e Kúnnuɖetɔ́ Jehovah tɔn lɛ́ nɔ xwlé mɛ é ka nɔ yi gbɔn?
Kpó Biblu kplɔ́nkplɔ́n vɔ̌nu sín tuto e Kúnnuɖetɔ́ Jehovah tɔn lɛ́ nɔ xwlé mɛ é kpó ɔ, a sixú zán lǐlɛ́dógbeɖévomɛ Biblu tɔn ɖěbǔ. A vo bó ná ylɔ́ xwédo towe blěbú alǒ xɔ́ntɔn towe lɛ́ ɖěbǔ bɔ yě ná gɔ́ nú we.
