NǓKPLƆNKPLƆN 21
Nɛ̌ È ka Ðò Wɛnɖagbe ɔ Jlá Gbɔn Wɛ?
Zaanɖé dìn ɔ, Jehovah na zán Axɔ́suɖuto tɔn dó ɖeɖɛ tagba mǐtɔn lɛ bǐ. Wɛn ɖagbe tawun wɛ nyí wɛn enɛ bɔ mɛ lɛ bǐ ɖó na sè. Jezu ba ɖɔ ahwanvu emitɔn lɛ ni má wɛn enɛ xá mɛ bǐ! (Matie 28:19, 20) Nɛ̌ Kúnnuɖetɔ́ Jehovah tɔn lɛ ka nɔ wà nǔ sɔgbe xá gbeɖiɖe Jezu tɔn enɛ gbɔn?
1. Nɛ̌ Matie 24:14 ka ɖò jijɛnu wɛ ɖò égbé gbɔn?
Jezu ɖɔ ɖ’ayǐ ɖɔ: “È na jlá axɔ́suɖuɖu Mawu tɔn sín Wɛnɖagbe gbɔn gbɛ̀ ɔ bǐ mɛ.” (Matie 24:14) Azɔ̌ taji enɛ wiwa nɔ víví nú Kúnnuɖetɔ́ Jehovah tɔn lɛ. Mǐ nɔ jlá wɛnɖagbe ɔ gbɔn gbɛ̀ ɔ bǐ mɛ dó gbè 1 000 jɛji mɛ. Azɔ̌ kpligidi enɛ nɔ byɔ gǎndidó tawun kpo tuto kpo. È sixu wà alɔdó Jehovah tɔn mɛvo ǎ.
2. Gǎn tɛ lɛ mǐ ka nɔ dó bo na dó jlá wɛn ɔ mɛ lɛ?
Mǐ nɔ jlá wɛn ɔ ɖò fí ɖebǔ e mǐ sixu mɔ mɛ lɛ ɖè é. Klisanwun xwè kanweko nukɔntɔn ɔ tɔn lɛ ɖɔhun ɔ, mǐ nɔ jlá wɛnɖagbe ɔ gbɔn “xwé lɛ gbè.” (Mɛsɛ́dó 5:42) Wlɛnwín ɖagbe enɛ zɔ́n bɔ mǐ nɔ kpéwú bo nɔ mɔ gbɛtɔ́ livi mɔ̌kpan ɖò xwè ɖokpo ɖokpo mɛ. Ðó mɛ lɛ ma nɔ nɔ xwégbe hwebǐnu ǎ wutu ɔ, mǐ nɔ lɛ́ jlá wɛn ɔ ɖò fí e ɖò agbawungba lɛ é gegě. Mǐ nɔ ba ali e na hun nú mǐ lɛ é hwebǐnu, bo na dó ɖɔ xó nú mɛ ɖevo lɛ dó Jehovah kpo linlin tɔn lɛ kpo wu.
3. Mɛ ɖětɛ lɛ è ka sɔ́ wɛnɖagbejijlazɔ́ ɔ d’así na?
Klisanwun nǔgbo lɛ bǐ wɛ ɖó na má wɛnɖagbe ɔ xá mɛ ɖevo lɛ. Mǐ nɔ ylɔ́ azɔ̌ mǐtɔn ɖɔ nǔjɔnǔ. Mǐ nɔ jlá wɛn ɔ lee mǐ kpéwú gbɔn é, ɖó mǐ tuùn ɖɔ é sixu hwlɛn gbɛ̀ mɛ lɛ tɔn gán. (Xà 1 Timɔtée 4:16.) È nɔ sú azɔ̌ enɛ xɔ́ mǐ ǎ, ɖó Biblu ɖɔ: “Lee un na acɛ mi vɔ̌nu ɔ, mi lɔmɔ̌ mi bo wà nǔ lɛ bǐ vɔ̌nu.” (Matie 10:7, 8) Mɛ lɛ bǐ wɛ nɔ yí wɛn mǐtɔn ǎ. Amɔ̌, mǐ nɔ kpò ɖ’ewu, ɖó wɛnɖagbejijlazɔ́ ɔ, akpáxwé Mawusinsɛn mǐtɔn tɔn ɖé wɛ bo nɔ lɛ́ hɛn xomɛ Jehovah tɔn hun.
BA DÒ NÚ NǓ D’EJI
Kplɔ́n nǔ dó gǎn ɖěɖee Kúnnuɖetɔ́ Jehovah tɔn lɛ nɔ dó bo na dó jlá wɛn ɔ gbɔn gbɛ̀ ɔ bǐ mɛ lɛ é wu d’eji, bo lɛ́ kpɔ́n lee Jehovah nɔ d’alɔ mǐ gbɔn é.
Wɛnɖagbe ɔ jijla gbɔn gbɛ̀ ɔ bǐ mɛ: (A) Costa Rica, (B) États-Unis, (C) Bénin, (D) Thaïlande, (E) Yap, (F) Suède
4. Mǐ nɔ w’azɔ̌ syɛnsyɛn bá jlá wɛn ɔ mɛ bǐ
Kúnnuɖetɔ́ Jehovah tɔn lɛ nɔ dó gǎn tawun, bo nɔ jlá wɛnɖagbe ɔ mɛ lɛ gbɔn fí lɛ bǐ. Xò VIDEO ɔ, enɛ gudo hǔn, mi ɖɔ xó ɖó kpɔ́ dó nǔkanbyɔ e bɔ d’ewu é jí.
-
Etɛ ka jiwǔ nú we ɖò gǎn e Kúnnuɖetɔ́ Jehovah tɔn lɛ nɔ dó dó jlá wɛn ɔ lɛ é mɛ?
Xà Matie 22:39 kpo Hlɔmanu lɛ 10:13-15 kpo, enɛ gudo hǔn, mi ɖɔ xó ɖó kpɔ́ dó nǔkanbyɔ elɔ lɛ jí:
-
Nɛ̌ sinsɛnzɔ́ mǐtɔn ka nɔ xlɛ́ ɖɔ mǐ yí wǎn nú nɔzo mǐtɔn lɛ gbɔn?
-
Linlin tɛ Jehovah ka nɔ ɖó dó mɛ ɖěɖee nɔ jlá wɛnɖagbe ɔ lɛ é wu?—Kpɔ́n wemafɔ 15.
5. Azɔ̌watɔ́gbɛ́ Mawu tɔn lɛ wɛ mǐ nyí
Nǔ e jɛ kpɔ́n lɛ é gegě xlɛ́ ɖɔ Jehovah ɖò ali xlɛ́ mǐ wɛ ɖò azɔ̌ ɔ kɔn. Ði kpɔ́ndéwú ɔ, ɖò Nouvelle-Zélande ɔ, nɔví sunnu ɖé nɔ nyí Paul, bo mɔ nawe ɖé ɖò hwelɛkɔ gbè ɖokpo, hwenu e é ɖò wɛn ɔ jlá wɛ sín xwé ɖé gbè jɛ xwé ɖé gbè é. Gbè enɛ gbè zǎnzǎn ɔ, nawe ɔ ko xoɖɛ sɛ́dó Mawu, bo zán nyikɔ Mawu tɔn Jehovah ɔ, lobo byɔ ɛ ɖɔ mɛɖé ni wá ba emi kpɔ́n. Paul ɖɔ: “Ganxixo atɔn gudo ɔ, un wá xɔ tɔn lihɛnnu.”
Xà 1 Kɔlɛntinu lɛ 3:9, nwt, enɛ gudo hǔn, mi ɖɔ xó ɖó kpɔ́ dó nǔkanbyɔ elɔ jí:
-
Nɛ̌ nǔ e jɛ kpɔ́n lɛ é, ɖi Nouvelle-Zélande tɔn enɛ ka nɔ xlɛ́ ɖɔ Jehovah ɖò ali xlɛ́ mǐ wɛ ɖò wɛnɖagbejijlazɔ́ ɔ kɔn gbɔn?
Xà Mɛsɛ́dó 1:8, enɛ gudo hǔn, mi ɖɔ xó ɖó kpɔ́ dó nǔkanbyɔ elɔ jí:
-
Etɛwu mǐ ka ɖó hudo alɔdó Jehovah tɔn tɔn bo na dó wà sinsɛnzɔ́ mǐtɔn?
A ka tuùn à?
Ðò aklunɔzán gbla ɖokpo ɖokpo mɛ ɖò kplé aklunɔzán gblamɛ tɛntin tɔn mǐtɔn jí ɔ, è nɔ kplɔ́n lee mǐ na nɔ jlá wɛnɖagbe ɔ gbɔn é mǐ. Enyi a ko wá kplé enɛ lɛ ɖě jí kpɔ́n hǔn, etɛ a ka lin dó azɔ̌kplɔnmɛ enɛ wu?
6. Mǐ nɔ setónú nú gbè e Mawu ɖè ɖɔ è ni jlá wɛn ɔ é
Ðò xwè kanweko nukɔntɔn ɔ mɛ ɔ, gbeklánxámɛtɔ́ lɛ tɛ́n kpɔ́n bo na ɖó wɛnɖagbejijlazɔ́ e wà wɛ ahwanvu Jezu tɔn lɛ ɖè é te. Klisanwun bǐbɛ̌mɛ tɔn lɛ “sɔ́ [wɛnɖagbe ɔ] jinjɔn ayǐ, bɔ é lidǒ” dó jɛ ahwan acɛ e ye ɖó bo na jlá wɛn ɔ é jí. (Filipunu lɛ 1:7) Kúnnuɖetɔ́ Jehovah tɔn lɛ lɔ nɔ wà nǔ ɖokpo ɔ égbé. a
Xà Mɛsɛ́dó 5:27-42, enɛ gudo hǔn, mi ɖɔ xó ɖó kpɔ́ dó nǔkanbyɔ elɔ jí:
MƐÐÉ SIXU KANBYƆ ÐƆ: “Etɛwu Kúnnuɖetɔ́ Jehovah tɔn lɛ ka nɔ gbɔn xwégbe xwégbe?”
-
Xósin tɛ a ka na na?
ETƐ LƐ A KA KPLƆ́N?
Jezu ɖegbe nú ahwanvu tɔn lɛ ɖɔ ye ni jlá wɛnɖagbe ɔ akɔta lɛ bǐ. Jehovah ɖò alɔ dó togun tɔn wɛ ɖò azɔ̌ enɛ kɔn.
Vɔ̌gbɔnji
-
Nɛ̌ jlá wɛnɖagbe ɔ gbɔn wɛ è ka ɖè gbɔn gbɛ̀ ɔ bǐ mɛ?
-
Nɛ̌ sinsɛnzɔ́ mǐtɔn ka nɔ xlɛ́ ɖɔ mǐ yí wǎn nú nɔzo mǐtɔn lɛ gbɔn?
-
A ka lin ɖɔ wɛnɖagbejijlazɔ́ ɔ sixu hɛn awǎjijɛ wá nú mǐ à? Etɛwu?
KÍJÉ
Kpɔ́n lee Kúnnuɖetɔ́ Jehovah tɔn lɛ nɔ jlá wɛn ɔ mɛ lɛ ɖò toxo ɖaxó lɛ mɛ gbɔn é.
Kúnnuɖiɖe Agbawungba Tɔn Bǔnɔ Ðò Toxo Ðaxó lɛ Mɛ: Paris (5:11)
Etɛ Kúnnuɖetɔ́ Jehovah tɔn lɛ ka nɔ wà dó d’alɔ mɛ e ɖò bibɛtɛn ba wɛ lɛ é?
Mɛɖé tinmɛ nǔ e wu gbɛzán tɔn zinzán dó wɛnɖagbejijlazɔ́ ɔ takúnmɛ nɔ hɛn awǎjijɛ wá n’i é. Ðǒtó è.
É Hun Xomɛ nú Mì Ðɔ Un Wá Gbeta ɔ Kɔn Bo Ðò Azɔ̌ Elɔ Wà Wɛ (6:29)
Kplɔ́n nǔ dó ɖuɖeji e mǐ ɖó ɖò hwɛ nukɔn b’ɛ zɔ́n bɔ wɛnɖagbejijlazɔ́ ɔ yì nukɔn é taji ɖé lɛ wu.
a Mawu wɛ ɖegbe ɖɔ mǐ ni jlá wɛn ɔ. Hwɛjijɔ enɛ wu wɛ é ma byɔ ɖɔ Kúnnuɖetɔ́ Jehovah tɔn lɛ ni byɔ gbè acɛkpikpa gbɛtɔ́ tɔn lɛ cobo jlá wɛnɖagbe ɔ ǎ.
Xóta élɔ́ lɛ́ lɔ sixú jɛjí nú we
NǓ E MƐ LƐ́ NƆ YÁ WǓ KANBYƆ́ LƐ́ É
Nɛ̌ tuto Biblu kplɔ́nkplɔ́n tɔn e Kúnnuɖetɔ́ Jehovah tɔn lɛ́ nɔ xwlé mɛ é ka nɔ yi gbɔn?
Kpó Biblu kplɔ́nkplɔ́n vɔ̌nu sín tuto e Kúnnuɖetɔ́ Jehovah tɔn lɛ́ nɔ xwlé mɛ é kpó ɔ, a sixú zán lǐlɛ́dógbeɖévomɛ Biblu tɔn ɖěbǔ. A vo bó ná ylɔ́ xwédo towe blěbú alǒ xɔ́ntɔn towe lɛ́ ɖěbǔ bɔ yě ná gɔ́ nú we.
