NǓKPLƆNKPLƆN 34
Nɛ̌ Mǐ ka Sixu Ðexlɛ́ Jehovah Ðɔ Mǐ Yí Wǎn N’i Gbɔn?
Sín hwenu e a jɛ Biblu kplɔ́n jí é ɔ, a ka mɔ ɖɔ emi sɛkpɔ́ Mawu hugǎn à? A ka ba bo na kpò ɖò kancica e ɖò hwi kpo é kpo tɛntin é hɛn lidǒ wɛ à? Enyi mɔ̌ wɛ ɔ, flín ɖɔ bǎ e mɛ Jehovah mɔ ɖɔ a yí wǎn nú emi yì ɖó é ɔ, bǎ enɛ mɛ wɛ é lɔ na yí wǎn nú we bo lɛ́ kpé nukún dó wǔtu towe yì ɖó. Nɛ̌ a ka sixu ɖexlɛ́ ɛ ɖɔ emi yí wǎn n’i gbɔn?
1. Nɛ̌ mǐ ka nɔ ɖexlɛ́ Jehovah ɖɔ mǐ yí wǎn n’i gbɔn?
Mǐ nɔ ɖexlɛ́ Jehovah ɖɔ mǐ yí wǎn n’i, gbɔn tónú sise n’i gblamɛ. (Xà 1 Jaan 5:3.) É nɔ hɛn mɛ ɖebǔ gannugánnú bonu é na setónú n’i ǎ. É nyɔ́ wà ɔ, é nɔ hun ali nú mǐ mɛ ɖokpo ɖokpo bonu mǐ na setónú n’i alǒ gbɔ. Etɛwu? Jehovah jló ɖɔ mǐ ni “setónú kpodo ayixa [mǐtɔn] bǐ sésé kpo.” (Hlɔmanu lɛ 6:17) Ðò xógbe ɖevo mɛ ɔ, é jló ɖɔ hwi ni setónú nú emi, é ni ma ka nyí ɖó a ɖó na wà mɔ̌ wutu ó, loɔ, ɖó a yí wǎn nú emi wutu. È sɔnǔ nú wema elɔ sín mimǎmɛ 3gɔ́ ɔ kpo 4gɔ́ ɔ kpo bo na dó d’alɔ we bonu a na ɖexlɛ́ Jehovah ɖɔ emi yí wǎn n’i, gbɔn nǔ e nɔ nyɔ́ nukún tɔn mɛ lɛ é wiwa kpo alɔ nyinyi nú nǔ e ma nɔ nyɔ́ nukún tɔn mɛ ǎ lɛ é kpo gblamɛ.
2. Etɛwu é ka sixu vɛwǔ bɔ mǐ na ɖexlɛ́ Jehovah ɖɔ mǐ yí wǎn n’i?
“Adǎn gegě nɔ gbò gbejinɔtɔ́.” (Ðɛhan 34:20) Mǐ bǐ wɛ ɖó gǎnmaɖó mǐɖesunɔ tɔn lɛ bo nɔ ɖí xwi xá. Mǐ sixu lɛ́ ɖí xwi xá akwɛyózó, nǔagɔwaxámɛ kpo wuvɛ̌ ɖevo lɛ kpo. Enyi mǐ ɖò wuvɛ̌ sè wɛ ɔ, é sixu vɛwǔ nú mǐ bɔ mǐ na wà nǔ e Jehovah byɔ ɖò mǐ sí lɛ é. Nǔ nyí mɔ̌, ɖó ali e ma sɔgbe ǎ é mimlɛ́ sixu bɔkun. Amɔ̌, enyi a nɔ wà nǔ e Jehovah ɖɔ hwi ni nɔ wà lɛ é ɔ, a na xlɛ́ ɛ ɖɔ emi yí wǎn n’i hugǎn nǔ ɖevo ɖebǔ. Mɔ̌ mɛ ɔ, a na ɖexlɛ́ ɖɔ emi ɖò gbeji n’i. Wǎgbɔ tɔn ɔ, é lɔmɔ̌ na nɔ gbeji nú we. É na jó we dó gbeɖé ǎ.—Xà Ðɛhan 4:4.
BA DÒ NÚ NǓ D’EJI
Gbějé nǔ e wu tónú e a nɔ sè nú Jehovah é nɔ xɔ akwɛ n’i é kpɔ́n, bo lɛ́ kplɔ́n nǔ e sixu d’alɔ we bɔ a na nɔ gbeji n’i lɛ é.
3. Xó e kan we é ɖé
Sɔgbe xá wema Biblu tɔn e nɔ nyí Jɔbu é ɔ, Satáan dóhwɛ Jɔbu kpo mɛ e jló na sɛn Jehovah lɛ é bǐ kpo. Xà Jɔbu 1:1, 6–2:10, enɛ gudo hǔn, mi ɖɔ xó ɖó kpɔ́ dó nǔkanbyɔ elɔ lɛ jí:
-
Etɛwu Jɔbu ka nɔ setónú nú Jehovah bɔ Satáan ɖɔ?—Kpɔ́n Jɔbu 1:9-11.
-
Hwɛ tɛ Satáan ka dó gbɛtɔ́ lɛ bǐ, kaka jɛ hwiɖesunɔ jí?—Kpɔ́n Jɔbu 2:4.
Xà Jɔbu 27:5b, enɛ gudo hǔn, mi ɖɔ xó ɖó kpɔ́ dó nǔkanbyɔ elɔ jí:
-
Nɛ̌ Jɔbu ka xlɛ́ ɖɔ emi yí wǎn nú Jehovah nǔgbo nǔgbo gbɔn?
Jɔbu ɖexlɛ́ Jehovah ɖɔ emi yí wǎn n’i, gbɔn gbeji ninɔ n’i gblamɛ
Mǐ nɔ ɖexlɛ́ Jehovah ɖɔ mǐ yí wǎn n’i, gbɔn gbeji ninɔ n’i gblamɛ
4. Hɛn xomɛ Jehovah tɔn hun
Xà Nǔnywɛxó 27:11, enɛ gudo hǔn, mi ɖɔ xó ɖó kpɔ́ dó nǔkanbyɔ elɔ lɛ jí:
-
Enyi a nyɔ̌nǔi bo setónú nú Jehovah ɔ, nɛ̌ nǔ ka nɔ cí n’i? Aniwu?
5. A sixu nɔ gbeji nú Jehovah
Wǎn e mǐ yí nú Jehovah é nɔ sísɛ́ mǐ bɔ mǐ nɔ ɖɔ xó tɔn nú mɛ ɖevo lɛ. Gbeji e mǐ ɖè n’i é nɔ sísɛ́ mǐ bɔ mǐ nɔ wà mɔ̌, hwenu e é ma tlɛ bɔwǔ ǎ é. Xò VIDEO ɔ, enɛ gudo hǔn, mi ɖɔ xó ɖó kpɔ́ dó nǔkanbyɔ e bɔ d’ewu lɛ é jí.
-
Xó Jehovah tɔn ɖiɖɔ nú mɛ ɖevo lɛ ka ko vɛwǔ nú we kpɔ́n à?
-
Ðò video ɔ mɛ ɔ, etɛ ka d’alɔ Grayson b’ɛ ɖu ɖò xɛsi tɔn jí?
Enyi mǐ yí wǎn nú nǔ e Jehovah yí wǎn na lɛ é bo gbɛ́ wǎn nú nǔ e é gbɛ́ wǎn na lɛ é ɔ, é nɔ bɔwǔ nú mǐ bɔ mǐ nɔ nɔ gbeji n’i. Xà Ðɛhan 97:10, enɛ gudo hǔn, mi ɖɔ xó ɖó kpɔ́ dó nǔkanbyɔ elɔ lɛ jí:
-
Sɔgbe xá nǔ e a ko kplɔ́n lɛ é ɔ, ɖɔ nǔ e Jehovah yí wǎn na é ɖé lɛ. Etɛ lɛ mɔ̌ é ka gbɛ́ wǎn na?
-
Nɛ̌ a ka sixu kplɔ́n bo yí wǎn nú nǔ ɖagbe lobo gbɛ́ wǎn nú nǔ nyanya gbɔn?
6. Tónú sise nú Jehovah nɔ hɛn lè wá nú mǐ
Hwebǐnu wɛ é nɔ nyɔ́ hugǎn ɖɔ è ni setónú nú Jehovah. Xà Ezayíi 48:17, 18, enɛ gudo hǔn, mi ɖɔ xó ɖó kpɔ́ dó nǔkanbyɔ elɔ lɛ jí:
-
A ka lin ɖɔ mǐ sixu ganjɛwu ɖɔ Jehovah nɔ tuùn nǔ e na nyí ɖagbe nú mǐ hugǎn é hwebǐnu à? Etɛwu?
-
Kaka jɛ dìn ɔ, lè tɛ lɛ nǔ e a ko kplɔ́n dó Biblu kpo Mawu nǔgbo ɔ Jehovah kpo wu lɛ é ka ko hɛn wá nú we?
MƐÐÉ LƐ ÐƆ: “Nǔwiwa ce lɛ nɔ ɖɔ nǔɖe nú Mawu ǎ.”
-
Wemafɔ tɛ a ka sixu zán dó xlɛ́ ɖɔ nǔ e mǐ nɔ wà lɛ é sixu zɔ́n bɔ Jehovah na j’awǎ alǒ wǔ na kú i?
ETƐ LƐ A KA KPLƆ́N?
A sixu xlɛ́ ɖɔ emi yí wǎn nú Jehovah, enyi a nɔ setónú n’i bo nɔ lɛ́ nɔ gbeji n’i hwenu e ninɔmɛ lɛ tlɛ vɛwǔ é ɔ nɛ.
Vɔ̌gbɔnji
-
Etɛ kpɔ́ndéwú Jɔbu tɔn ka kplɔ́n we?
-
Nɛ̌ a ka na ɖexlɛ́ Jehovah ɖɔ emi yí wǎn n’i gbɔn?
-
Etɛ lɛ ka na d’alɔ we bɔ a na nɔ gbeji nú Jehovah?
KÍJÉ
Kpɔ́n lee a sixu nɔ gbeji nú Jehovah kpo agun ɔ kpo gbɔn é.
Kplɔ́n nǔ dó hwɛ ɖěɖee Satáan dó gbɛtɔ́ lɛ é wu d’eji.
“Jɔbu Nɔ Gbeji” (La Bible: quel est son message? mimǎmɛ 6gɔ́
Kpɔ́n lee yɔkpɔvu lɛ lɔ tlɛ sixu ɖexlɛ́ Jehovah ɖɔ emi yí wǎn n’i gbɔn é.
Nɛ̌ mɛ winnyawinnya e mɛ winnyawinnya ɖevo lɛ ɖò kɔ gbidí na wɛ é ɖé ka sixu nɔ gbeji nú Mawu gbɔn?
Xóta élɔ́ lɛ́ lɔ sixú jɛjí nú we
NǓ E MƐ LƐ́ NƆ YÁ WǓ KANBYƆ́ LƐ́ É
Nɛ̌ tuto Biblu kplɔ́nkplɔ́n tɔn e Kúnnuɖetɔ́ Jehovah tɔn lɛ́ nɔ xwlé mɛ é ka nɔ yi gbɔn?
Kpó Biblu kplɔ́nkplɔ́n vɔ̌nu sín tuto e Kúnnuɖetɔ́ Jehovah tɔn lɛ́ nɔ xwlé mɛ é kpó ɔ, a sixú zán lǐlɛ́dógbeɖévomɛ Biblu tɔn ɖěbǔ. A vo bó ná ylɔ́ xwédo towe blěbú alǒ xɔ́ntɔn towe lɛ́ ɖěbǔ bɔ yě ná gɔ́ nú we.
