Xɔ́ntɔn vívɛ́ lɛ nɔ gɔ́ sò nú awǎjijɛ mǐtɔn ɖò hwenu ɖagbe lɛ mɛ, bo nɔ lɛ́ dó wusyɛn lanmɛ nú mǐ ɖò hwenu vɛwǔ lɛ mɛ. Amɔ̌, Biblu gb’akpá nú mǐ ɖɔ mɛ lɛ bǐ kún nyí xɔ́ntɔn ɖagbe ó. Enɛ wu ɔ, nɛ̌ a ka sixu cyan xɔ́ntɔn ɖagbe lɛ gbɔn? Mǐ ni gbéjé nǔkanbyɔ e bɔ d’ewu lɛ é kpɔ́n.

1. Etɛwu lee mǐ nɔ cyan xɔ́ntɔn mǐtɔn lɛ gbɔn é ka ɖó na nyí nǔ taji nú mǐ?

Mǐ nɔ ba na cí mɛ ɖěɖee mǐ nɔ zán hwenu ɖó kpɔ́ xá lɛ é ɖɔhun. Enɛ sixu nyí dó ɖagbe alǒ nyanya jí; nǔgbo ka wɛ, nú mǐ nɔ zán hwenu ɖó kpɔ́ xá ye cɔɔ lě, alǒ ɖò Ɛntɛnɛti jí ɔ nɛ. Lee Biblu ɖɔ gbɔn é ɔ, “a dó nǔnywɛtɔ́ há ɔ, a na huzu nǔnywɛtɔ́; a ka dó xlonɔ [mɛ ɖěɖee ma yí wǎn nú Jehovah ǎ lɛ é] há ɔ, a na wà nǔ dó hwiɖée wu.” (Nǔnywɛxó 13:20) Xɔ́ntɔn ɖěɖee yí wǎn nú Jehovah bo nɔ sɛn ɛ lɛ é sixu d’alɔ we bɔ a na sɛkpɔ́ Jehovah, bo na lɛ́ wá gbeta ɖagbe lɛ kɔn. Amɔ̌, xɔ́ntɔn vívɛ́ mǐtɔn ɖěɖee ma ɖò agun ɔ mɛ ǎ lɛ é sixu zɔ́n bɔ mǐ na jɛ zɔ nú Jehovah. Enɛ wu wɛ Biblu dó wusyɛn lanmɛ nú mǐ ɖɔ mǐ ni cyan xɔ́ntɔn mǐtɔn lɛ kpo nǔnywɛ kpo! Nú xɔ́ntɔn mǐtɔn lɛ nyí mɛ e yí wǎn nú Mawu lɛ é ɔ, mǐ kpo ye kpo bǐ wɛ nɔ ɖu lè tɔn. Mǐ nɔ kpéwú bo nɔ ‘na akɔ́nkpinkpan mǐɖée, bo nɔ dó wusyɛn lanmɛ nú mǐɖée.’—1 Tɛsalonikinu lɛ 5:11.

2. Etɛwu lee mǐ nɔ cyan xɔ́ntɔn mǐtɔn lɛ gbɔn é ka nɔ nyí nǔ taji nú Jehovah?

Jehovah nɔ xwè sɔ dó cyan xɔ́ntɔn tɔn lɛ. É “nɔ zun xɔ́ntɔn xá mɛ e nɔ wà nǔ jlɔjlɔ lɛ” é. (Nǔnywɛxó 3:32) Nú mǐ cyan xɔ́ntɔn ɖěɖee ma yí wǎn nú Jehovah ǎ lɛ é ɔ, nɛ̌ nǔ ka na cí n’i? É na kú wǔ n’i tawun! (Xà Jaki 4:4.) Ðò alɔ ɖevo mɛ ɔ, nú mǐ nyi alɔ nú gbɛ̌ nyanya lɛ, bo sɛkpɔ́ Jehovah kpo mɛ e yí wǎn n’i lɛ é kpo ɔ, é na hun xomɛ n’i tawun, bɔ é na sɔ́ mǐ dó ɖó xɔ́ntɔn tɔn lɛ.—Ðɛhan 15:1-4.

 BA DÒ NÚ NǓ D’EJI

4. Mɛ ɖěɖee gbɔn vo nú mǐ lɛ é sixu nyí xɔ́ntɔn mǐtɔn ɖagbe lɛ

Biblu ɖɔ xó dó Davidi kpo Jonatáan kpo e nyí nya we ɖò Izlayɛli hwexónu tɔn é wu. Jonatáan nyí mɛxo nú Davidi tawun, bo lɛ́ nyí axɔ́su sín vǐ; é ɖò mɔ̌ có, ye zun xɔ́ntɔn vívɛ́. Xà 1 Samuwɛli 18:1, enɛ gudo hǔn, mi ɖɔ xó ɖó kpɔ́ dó nǔkanbyɔ elɔ jí:

• Etɛwu xɔ́ntɔn mǐtɔn lɛ ma ka ɖó na nyí gbɛ̌ mǐtɔn jí dandan, alǒ ɖò tɛn ɖokpo ɔ mɛ mǐɖɔhun hwebǐnu ǎ?

Xà Hlɔmanu lɛ 1:11, 12, enɛ gudo hǔn, mi ɖɔ xó ɖó kpɔ́ dó nǔkanbyɔ elɔ jí:

• Nɛ̌ xɔ́ntɔn ɖěɖee yí wǎn nú Jehovah lɛ é ka sixu dó wusyɛn lanmɛ nú yeɖée lɛ gbɔn?

Ðò video elɔ mɛ ɔ, kpɔ́n lee mɛ winnyawinnya ɖé zun xɔ́ntɔn lɛ ɖò fí maɖónukún lɛ gbɔn é. Xò VIDEO ɔ, enɛ gudo hǔn, mi ɖɔ xó ɖó kpɔ́ dó nǔkanbyɔ e bɔ d’ewu lɛ é jí.

• Ðò video ɔ mɛ ɔ, etɛwu ado ka hu mɛjitɔ́ Akil tɔn lɛ ɖó xɔ́ntɔn e é zun ɖò wemaxɔmɛ lɛ é wu?

• Etɛ lɛ ka zɔ́n bɔ xɔ́ntɔn enɛ lɛ zunzun ka dɔn ɛ ɖò bǐbɛ̌mɛ?

• Nɛ̌ é ka kpéwú bo ɖu ɖò mɛɖokponɔ ninɔ tɔn jí gbɔn?

 5. Lee è na zun xɔ́ntɔn ɖagbe lɛ gbɔn é

 ETƐ LƐ A KA KPLƆ́N?

Nú mǐ cyan xɔ́ntɔn mǐtɔn lɛ kpo nǔnywɛ kpo ɔ, nǔ mǐtɔn nɔ nyɔ́ Jehovah nukúnmɛ, bɔ mǐɖesu nɔ lɛ́ ɖu lè tɔn.

Vɔ̌gbɔnji

• Etɛwu lee mǐ nɔ cyan xɔ́ntɔn mǐtɔn lɛ gbɔn é ka nɔ ɖu ayi mɛ nú Jehovah?

• Xɔ́ntɔn zunzun alɔkpa tɛ lɛ mǐ ka ɖó na nyi alɔ na?

• Nɛ̌ a ka sixu zun xɔ́ntɔn vívɛ́ xá mɛ e yí wǎn nú Jehovah lɛ é gbɔn?