MAWU NǓBǏWUKPÉTƆ́ Ɔ wɛ nyí Gǎn wɛkɛ ɔ bǐ tɔn. Alɔ tɔn mɛ wɛ gbɛ̀ mǐtɔn dìn tɔn kpo sɔgudo tɔn kpo bǐ ɖè. É ɖó acɛ bo na dó ajɔ mɛ, bo lɛ́ ɖó acɛ bo na dɔn tó nú mɛ. É ɖó acɛ bo na na gbɛ̀ mɛ, bo lɛ́ ɖó acɛ bo na yí gbɛ̀ mɛtɔn. Enyi nǔ mǐtɔn nyɔ́ nukún tɔn mɛ ɔ, nǔ na nyɔ́ nú mǐ; enyi nǔ mǐtɔn ma ka nyɔ́ nukún tɔn mɛ ǎ ɔ, mǐ na sún sin tɔn. É ɖò taji tawun ɖɔ lee mǐ nɔ sɛn ɛ gbɔn é ni nyɔ́ nukún tɔn mɛ.

Ali gegě nu wɛ mɛ lɛ nɔ sɛn Mawu ɖè. Enyi ali ɖé wɛ sinsɛn nyí ɔ, bǐ jɛn ka nɔ nyɔ́ Mawu nukúnmɛ à? Eǒ. Gbeyiɖɔ Mawu tɔn, Jezu, xlɛ́ ɖɔ ali we jɛn tíìn. É ɖɔ: “Fí e è nɔ gbɔn, bo nɔ yì dɔn ɔ, hɔn tɔn d’agba, bɔ ali tɔn gbló, bo vɛ́ gbɔn ǎ; mɛ gegě wɛ nɔ gbɔn finɛ. Loɔ, hɔn e nu è nɔ gbɔn, bo nɔ yì gbɛ̀ mavɔmavɔ mɛ ɔ hwe, bɔ ali e è nɔ gbɔn yì ɔ sóbwé, bo vɛ́ gbɔn, bɔ mɛ kpɛɖé jɛn nɔ ba mɔ.”—Matie 7:13, 14.

Sinsɛn we jɛn ɖè: ɖokpo nɔ kplá mɛ yì gbɛ̀ bɔ wegɔ́ ɔ nɔ kplá mɛ yì kú. Linlin e wu è sɔnǔ nú alɔnuwema elɔ é wɛ nyí ɖɔ é na d’alɔ we bɔ a na mɔ ali e nɔ kplá mɛ yì gbɛ̀ mavɔmavɔ mɛ é.