Etɛ A ka Nɔ Lin Dó Biblu Wu?
A ka nɔ lin ɖɔ . . .
-
wema yovó lɛ tɔn wɛ à?
-
wema e mɛ xɛxó lɛ ɖè é wɛ à?
-
alǒ Xó Mawu tɔn?
NǓ E BIBLU ÐƆ É
“Nǔ e è wlan dó Mawuxówema ɔ mɛ ɔ, Mawu wɛ sɔ́ bǐ dó ayi mɛ nú mɛ lɛ.”—2 Timɔtée 3:16, MAWUXÓWEMA.
LÈ E A SIXU MƆ Ð’EMƐ É
A na mɔ xósin jɔ xósin nú nǔkanbyɔ taji gbɛmɛ tɔn lɛ.—Nǔnywɛxó 2:1-5.
A na mɔ alixlɛ́mɛ ɖejid’ewu nú gbɛzinzan towe ayihɔngbe ayihɔngbe tɔn.—Ðɛhan 119:105.
A na ɖó nukúnɖiɖó jɔ nukúnɖiɖó nú sɔgudo.—Hlɔmanu lɛ 15:4.
MǏ KA SIXU GANJƐ NǓ E BIBLU ÐƆ É WU À?
Ɛɛn, é hwe bǐ ɔ hwɛjijɔ atɔn ɖíe:
-
Gbesisɔ tɔn jiwǔ. Mɛ vovo 40 mɔ̌ wɛ wlan Biblu ɔ nú xwè 1 600. Ye mɛ gegě mɔ yeɖée kpɔ́n ǎ. É ɖò mɔ̌ có, nǔ e ye wlan lɛ é bǐ xò nǔ dó akpa ɖokpo ɔ mɛ, bo sɔgbe kpo xóta taji Biblu tɔn kpo.
-
Mɛ e wlan lɛ é nɔ ɖɔ nǔgbo. Mɛ e nɔ wlan hwenuxó kpaa lɛ é nɔ cyɔn nǔ dó nǔwanyido togun yetɔn tɔn lɛ. Amɔ̌, mɛ e wlan Biblu lɛ é ɖɔ nǔwanyido yeɖesunɔ tɔn kpo togun yetɔn tɔn lɛ kpo.—2 Tan 36:15, 16; Ðɛhan 51:3-6.
-
Xóɖɔɖ’ayǐ ɖejid’ewu lɛ. Cobonu è na sú kún dó nú Babilɔnu hwexónu tɔn ɔ, é kpò xwè 200 mɔ̌ cobɔ Biblu ko ɖɔ ɖ’ayǐ. (Ezayíi 13:17-22) Lee è na sú kún dó nú Babilɔnu gbɔn é kɛɖɛ wɛ é ɖɔ ǎ, loɔ, é tlɛ lɛ́ ɖɔ nyikɔ mɛ e na sú kún tɔn dó é tɔn!—Ezayíi 45:1-3.
Xóɖɔɖ’ayǐ Biblu tɔn gegě ko jɛ, bo jɛ hlɛ́nhlɛ́n. Nǔ e mǐ na ɖó nukún na mɔ ɖò Xó Mawu tɔn mɛ é nɛ à cé?—2 Piyɛ́ɛ 1:21.
ETƐ A KA LIN DÓ NǓKANBYƆ ELƆ WU
Nɛ̌ Xó Mawu tɔn ka sixu hɛn gbɛ̀ towe kpɔ́n te gbɔn?
Biblu na xósin nǔkanbyɔ enɛ tɔn ɖò EZAYÍI 48:17, 18 kpo 2 TIMƆTÉE 3:16, 17 kpo mɛ.
Xóta élɔ́ lɛ́ lɔ sixú jɛjí nú we
NǓKANBYƆ́ BIBLU TƆN LƐ́ SÍN XÓSIN
Étɛ́ ka nɔ nyí Biblu?
Bɛ̌ wɛn Mawu tɔn e è nɔ ylɔ́ ɖɔ xó Mawu tɔn b’ɛ dɔn mɛ é xixa.
NǓKANBYƆ́ BIBLU TƆN LƐ́ SÍN XÓSIN
Etɛ lɛ Sín Hudo A ka Ðó Bo Na Dó Mɔ Nukúnnú Jɛ Biblu ɔ Mɛ?
A na bo tlɛ gosin akɔ ɖebǔ mɛ ɔ, a sixu mɔ nukúnnú jɛ wɛn Mawu tɔn e ɖò Biblu mɛ é mɛ.
NǓKANBYƆ́ BIBLU TƆN LƐ́ SÍN XÓSIN
Etɛ ka Nyí Nǔɖɔɖ’ayǐ?
Xó e Mawu sɔ́ d’ayi mɛ nú mɛ bɔ ye ɖɔ ɖ’ayǐ lɛ é bǐ wɛ kan sɔgudo à? Ðebǔ ǎ.
ESSENTIAL BIBLE TEACHINGS
Nɛ̌ Mǐ ka Sixu Wá Gbɔn Bo Tuùn Ðɔ Nǔ E Ðò Biblu Mɛ ɔ Nyí Nugbǒ?
Enyi Mawu wɛ nyí Dowatɔ́ Biblu tɔn ɔ, é ɖó na gbɔn vo nú wema ɖevo lɛ bǐ.
NǓ E KAN MǏ LƐ́ É
Etɛwu È ka Ðó Na Kplɔ́n Biblu?
Biblu ɖò alɔ dó gbɛtɔ́ livi mɔkpan wɛ gbɔn gbɛ̀ ɔ bǐ mɛ, bɔ ye ɖò nùkanbyɔ taji gbɛmɛ tɔn lɛ sín xósin mɔ wɛ. A jló ɖɔ é ni d’alɔ hwi lɔ à?
NǓ E KAN MǏ LƐ́ É
Byɔ̌ ɖɔ è ní wá ba we kpɔ́n
Gbějé nǔkanbyɔ́ Biblu tɔn ɖé kpɔ́n, alǒ kplɔ́n nǔ ɖěvo lɛ́ dó Kúnnuɖetɔ́ Jehovah tɔn lɛ́ wú.
