Kpɔ́ndéwú Biblu tɔn e sixú d’alɔ we lɛ́ é:

• Mt 4:8-10: Satáan ɖɔ nú Jezu ɖɔ ényí é sɛn émí azɔn ɖokpó kpowun ɔ, émí ná ná ɛ axɔ́súɖuto gbɛ mɛ fí tɔn lɛ́ bǐ; Jezu gbɛ́ nǔ énɛ́ e é xwlé è é, bo kan ɖ’é jí bá sɛn Jexóva ɖokpónɔ géé

• Nǔ 19:9, 10: Wɛnsagun hlɔ̌nhlɔ́nnɔ ɖé gbɛ́ ɖɔ mɛsɛ́dó Jaan ní ma sɛn émí ó

Kpɔ́ndéwú Biblu tɔn e sixú d’alɔ we lɛ́ é:

• Eza 1:10-17: Jexóva nɔ gbɛ́ alǒ gbɛ́ wǎn nú sɛn e mɛ ɖěɖěe ma nɔ zán gbɛ sɔgbe xá nǔgbódodó tɔn lɛ́ ǎ lɛ́ é nɔ sɛn ɛ kpó yɛmɛnúwiwa kpó é

• Mt 15:1-11: Jezu xlɛ́ ɖɔ Jexóva kún nɔ ba ɖɔ sɛn e è nɔ sɛn émí é ní jínjɔ́n hwɛndonúwiwa lɛ́ jí ó, é nyɔ́ wa ɔ, é ní jínjɔ́n sɛ́n Mawu tɔn lɛ́ jí

Kpɔ́ndéwú Biblu tɔn e sixú d’alɔ we lɛ́ é:

• Mɛ 2:40-42: Ðo xwe kanweko nukɔntɔn ɔ mɛ ɔ, klisánwun lɛ́ nɔ xo yěɖée kplé bo nɔ xo ɖɛ ɖó kpɔ́, nɔ zán hwenu ɖó kpɔ́, bo nɔ lɛ́ kplɔ́n Xó Mawu tɔn ɖó kpɔ́

• 1Kɔ 14:26-40: Mɛsɛ́dó Pɔ́lu ɖe wě xá mɛ ɖɔ kplé agun tɔn lɛ́ ní nɔ nɔ tuto jí, bo nɔ lɛ́ dó wǔsyɛ́n lanmɛ nú mɛ, bónú mɛ lɛ́ bǐ ná dó sixú se nǔ e kplɔ́n mɛ wɛ è ɖe lɛ́ é bo lɛ́ mɔ nukúnnú jɛ mɛ

Kpɔ́ndéwú Biblu tɔn e sixú d’alɔ we lɛ́ é:

• Eb 11:6: Mɛsɛ́dó Pɔ́lu tínmɛ ɖɔ nǔɖiɖi ɖo tají, ényí mǐ ba ɖɔ Jexóva ní yí gbe nú sɛn e sɛn ɛ wɛ mǐ ɖe é ɔ nɛ́

• Ja 2:14-17, 24-26: Jezu sín nɔví Jaki tínmɛ ɖɔ mǐ ɖó ná nɔ ɖe xlɛ́ gbɔn nǔwiwa mǐtɔn lɛ́ gblamɛ ɖɔ mǐ ɖó nǔɖiɖi; nǔɖiɖi mǐtɔn nɔ sísɛ́ mǐ bɔ mǐ nɔ wa nǔ