Kpɔ́ndéwú Biblu tɔn e sixú d’alɔ we lɛ́ e:

• 1Sa 15:17-23: Gbeyíɖɔ Samuwɛ́li gbɛ́ nǔ nú axɔ́sú Sawúlu syɛ́nsyɛ́n ɖó é se tónú nú Jexóva ǎ wútu; énɛ́ gúdo ɔ, Samuwɛ́li tɛ ɖɛ̌ lě do tónúsise ɖo tají sɔ é jí

• Eb 5:7-10: Jezu ko nɔ se tónú nú Tɔ́ tɔn hwebǐnu có, é kplɔ́n tónúsise hwenu e mɛ ɖěvo lɛ́ ɖó wǔvɛ́ n’i ɖo ayǐkúngban jí é

 Kpɔ́ndéwú Biblu tɔn e sixú d’alɔ we lɛ́ é:

• Da 3:13-18: Eblée gbejínɔtɔ́ atɔn sín gbɛ ɖo axɔ́ nu có, yě gbɛ́ ɖɔ émí kún ná ɖe kɔ́ nú bǒcyɔ e axɔ́sú Nabukodonɔzɔ́ɔ tun te é ó

• Mt 22:15-22: Jezu tínmɛ ɖɔ ahwanvú émítɔn lɛ́ nɔ se tónú nú acɛkpikpa gbɛtɔ́ tɔn lɛ́, ényí acɛkpikpa mɔ̌hun lɛ́ ma byɔ́ yě ɖɔ yě ní tlí tó nú Jexóva Mawu ǎ ɔ nɛ́

• Mɛ 4:18-31: Acɛkpikpa lɛ́ tlɛ ɖe gbe nú mɛsɛ́dó lɛ́ ɖɔ yě ní ɖó mawuxó ɖiɖɔ te có, yě gb’adɔ bo gbɛ kan d’é nu

Kpɔ́ndéwú Biblu tɔn e sixú d’alɔ we lɛ́ é:

• Ɛsd 7:7-10, nwt: Vɔ̌sánúxwlémawutɔ́ gbejínɔtɔ́ Ɛsidlási sɔ́ nǔ nú ayi tɔn bo ná dó sixú sɔ́ kpɔ́ndéwú ɖagbe ɖé ɖ’ayǐ, ɖo tónú sise nú Sɛ́n Mawu tɔn kpó kplɔ́nkplɔ́n mɛ ɖěvo lɛ́ kpó linu

• Jn 14:31: Jezu ɖe nǔ e wú é nɔ wa nǔ e Tɔ́ tɔn zɔ́n ɛ lɛ́ é pɛ́pɛ́pɛ́ é xlɛ́

Kpɔ́ndéwú Biblu tɔn e sixú d’alɔ we lɛ́ é:

• Bǐ 6:9-22; Eb 11:7: Nɔwée ɖe nǔɖiɖi e é ɖó é xlɛ́ gbɔn tɔjíhún ɖé gbígbá lěe Jexóva zɔ́n ɛ gbɔn é gblamɛ; é wa mɔ̌ “pɛ́pɛ́pɛ́”

• Eb 11:8, 9, 17: Ablaxámu ɖe xlɛ́ ɖɔ émí ɖó nǔɖiɖi gbɔn tónú sise nú gbeɖiɖe Jexóva tɔn lɛ́ gblamɛ, é nyí nú gbe e é ɖe n’i ɖɔ é ní gosín Wúu é kɛ́ɖɛ́ ǎ, loɔ, nú ée é ɖe n’i ɖɔ é ní sɔ́ vǐ súnnu tɔn jó é lɔmɔ̌

Kpɔ́ndéwú Biblu tɔn e sixú d’alɔ we lɛ́ é:

• Le 26:3-6: Jexóva d’akpá ɖɔ émí ná kɔn nyɔ̌ná dó mɛ ɖěɖěe nɔ se tónú nú émí lɛ́ é jí bo ná lɛ́ kpé nukún dó yě wú

• Kɛ́ 13:30, 31; 14:22-24: Kalɛ́bu ɖe jijɔ tónúsise tɔn xlɛ́, énɛ́ wú ɔ, Jexóva kɔn nyɔ̌ná dó jǐ tɔn

Kpɔ́ndéwú Biblu tɔn e sixú d’alɔ we lɛ́ é:

• Bǐ 2:16, 17; 3:17-19: Ðó Adámu kpó Ɛvu kpó tlí tó nú Jexóva Mawu wútu ɔ, yě hɛn palaɖísi, mɛ maɖóblɔ̌ nyínyí kpó gbɛ mavɔmavɔ kpó bú

• Sɛ́ 18:18, 19; Mɛ 3:12, 18, 22, 23: Jexóva ɖɔ ɖ’ayǐ ɖɔ gbeyíɖɔ e hú gǎn Mɔyízi é ɖé ná wá, bo lɛ́ ɖe xlɛ́ ɖɔ nú è ma se tónú n’i ǎ ɔ, é ná tɔ́n kɔ dó nǔ baɖabaɖa mɛ nú mɛ

• Ju 6, 7: Wɛnsagun gǔfɔ́ntɔ́ lɛ́, gɔ́ nú mɛ e nɔ nɔ Sodɔ́mu kpó Gomɔ́ɔ kpó lɛ́ é dó xomɛsin nú Jexóva ɖó tónúmase yětɔn wútu

Kpɔ́ndéwú Biblu tɔn e sixú d’alɔ we lɛ́ é:

• Jn 12:46-48; 14:24: Jezu tínmɛ ɖɔ tónú ma se nú xó émítɔn lɛ́ ná tɔ́n kɔ dó hwɛɖónúmɛ mɛ

Kpɔ́ndéwú Biblu tɔn e sixú d’alɔ we lɛ́ é:

• Bǐ 37:3, 4, 8, 11-13, 18: Hwenu e Jozɛ́fu ɖo wǐnnyáwínnyá mɛ é ɔ, nɔví tɔn lɛ́ gbɛ́ wǎn n’i có, é se tónú nú tɔ́ tɔn bo zɔn ali gaga bo ná yi kpɔ́n yě

• Lk 2:51: Jezu nɔ hwihwɛ́ éɖée dó Jozɛ́fu kpó Mali kpó glɔ́, có mɛ maɖóblɔ̌ wɛ é nyí bɔ mɛjitɔ́ tɔn lɛ́ ka nyí gbɛtɔ́ hwɛhutɔ́