Kpɔ́ndéwú Biblu tɔn e sixú d’alɔ we lɛ́ é:

• 1Sa 15:3, 9-23: Hwenu e gbeyíɖɔ Samuwɛ́li gbɛ́ nǔ nú axɔ́sú Sawúlu é ɔ, axɔ́sú ɔ ba hwɛjijɔ bo gbɛ́ wěɖexámɛ ɔ; énɛ́ wú ɔ, Jexóva gbɛ́ ɛ

• 2Ta 25:14-16, 27: Axɔ́sú Amasiyási hu hwɛ, bɔ énɛ́ gúdo ɔ, é lɛ́ gbɛ́ wě e gbeyíɖɔ Jexóva tɔn ɖe xá ɛ é; mɔ̌ mɛ ɔ, nǔ tɔn sɔ́ nyɔ́ Jexóva nukúnmɛ ǎ, bɔ é lɛ́ ba alɔcyɔ́nmɛjí tɔn kpo

Kpɔ́ndéwú Biblu tɔn e sixú d’alɔ we lɛ́ é:

• 3Jn 9, 10: Mɛsɛ́dó Jaan e nyí mɛxómɔ ɖé é ɖó hwɛ nú Diotlefɛ́si, ɖó sísí e é ma nɔ ɖe xlɛ́ nukúnkpénǔwútɔ́ e ɖo agun klisánwun tɔn ɔ mɛ lɛ́ é ǎ é wú

Kpɔ́ndéwú Biblu tɔn e sixú d’alɔ we lɛ́ é:

• 1Sa 23:16-18: Axɔ́sú Davídi ɖótó wě e Jonatáan e wa ɖaxó è nú xwe 30 mɔ̌ é ɖe xá ɛ é, bɔ énɛ́ dó wǔsyɛ́n lanmɛ n’i

• 1Ax 12:1-17: Axɔ́sú Hlobowámu gbɛ́ wěɖexámɛ mɛxómɔ lɛ́ tɔn e ɖo jlɛ̌ jí é, bo ka ɖótó wěɖexámɛ dɔ̌nkpɛvú lɛ́ tɔn e ma ɖo jlɛ̌ jí ǎ é, bɔ énɛ́ dɔn awěxomɛ wá

Kpɔ́ndéwú Biblu tɔn e sixú d’alɔ we lɛ́ é:

• 1Sa 25:14-35: Abigayílu ɖe wě xá axɔ́sú Davídi bɔ énɛ́ hwlɛ́n gbɛ nú mɛ gěgé bo lɛ́ gbo kpo nyi ali jí nú hunxɔ́ɖuɖu

• 2Sa 20:15-22: Nǎwe nǔnywɛ́tɔ́ ɖé ɖo toxo Abɛ́li tɔn mɛ, bo hwlɛ́n toxo ɔ bǐ gbɔn wěɖexámɛ tɔn gblamɛ

• 2Ax 5:1-14: Ðyɔ̌vǐvú Izlayɛ́linu ɖé ɖɔ linlin tɔn, bɔ énɛ́ zɔ́n bɔ ahwanfuntɔ́ syɛ́nsyɛ́n ɖé tuun lěe gudu tɔn sixú gbɔ n’i gbɔn é

Kpɔ́ndéwú Biblu tɔn e sixú d’alɔ we lɛ́ é:

• 1Ta 10:13, 14: Axɔ́sú Sawúlu kan nǔ byɔ́ Jexóva ǎ, é nyɔ́ wa ɔ, amɔɛkantɔ́ ɖé gɔ́n wɛ é yi kan nǔ ɖe, bɔ é kú ɖó gbejímanɔ tɔn wú

• 2Ta 22:2-5, 9: Axɔ́sú Akaziyási cyán wěɖexámɛtɔ́ nyanya lɛ́ bɔ énɛ́ dɔn kú wá n’i

• Jɔb 21:7, 14-16: Jɔbu gbɛ́ linlin mɛ ɖěɖěe ma nɔ ɖó sísí nú Jexóva ǎ lɛ́ é tɔn

Kpɔ́ndéwú Biblu tɔn e sixú d’alɔ we lɛ́ é:

• 1Sa 1:9-16: Vɔ̌sánúxwlémawutɔ́ ɖaxó Eli mɔ nǔ jɛ ninɔmɛ lɛ́ bǐ wú cóbó ɖe wě syɛ́nsyɛ́n xá Ana ǎ, bo lin ɖɔ nǎwe gbejínɔtɔ́ énɛ́ nu ahan mú

• Mt 16:21-23: Ðó mɛsɛ́dó Piyɛ́ɛ ma mɔ nǔ jɛ ninɔmɛ lɛ́ bǐ wú ǎ wútu ɔ, é ɖɔ nú Jezu ɖɔ é ní wa nǔ e Satáan ba é ɖé, é nyí ée Jexóva ba é ǎ

Kpɔ́ndéwú Biblu tɔn e sixú d’alɔ we lɛ́ é:

• Tí 3:13-18: Gbeyíɖɔ Mɔyízi kan nǔ byɔ́ Jexóva dó ali ɖagbe hú gǎn e nu é ná ná xósin Izlayɛ́li ví hǎtɔ́ tɔn lɛ́ ɖe, hwenu e yě ná kan nǔɖé lɛ́ byɔ́ ɛ é wú

• 1Ax 3:5-12: Axɔ́sú wínnyáwínnyá Salomɔ́ɔ gán jɛ éɖésúnɔ wú ǎ, é nyɔ́ wa ɔ, é byɔ́ nǔnywɛ́ Jexóva, bɔ énɛ́ zɔ́n bɔ é mɔ nyɔ̌ná Jexóva tɔn yí

Kpɔ́ndéwú Biblu tɔn e sixú d’alɔ we lɛ́ é:

• Mt 4:1-11: Jezu zán nǔnywɛ́ éɖésúnɔ tɔn dó ná xósin Satáan hwenu e é tɛ́n ɛ kpɔ́n é ǎ, é nyɔ́ wa ɔ, é sɔ́ xósin tɔn jínjɔ́n Xó Mawu tɔn jí

• Jn 12:49, 50: Jezu tínmɛ ɖɔ nǔ e Tɔ́ émítɔn kplɔ́n émí lɛ́ é jí wɛ émí nɔ sɔ́ nǔkplɔ́nmɛ émítɔn lɛ́ bǐ jínjɔ́n, bɔ mɔ̌ mɛ ɔ, é sɔ́ kpɔ́ndéwú ɖagbe ɖé ɖ’ayǐ nú mǐ

Kpɔ́ndéwú Biblu tɔn e sixú d’alɔ we lɛ́ é:

• 2Ta 19:2, 3: Jexóva gbɔn gbeyíɖɔ ɖé jí bo gbɛ́ nǔ nú axɔ́sú Jozafáti, amɔ̌, énɛ́ gúdo ɔ, é kpa ɛ ɖó nǔ ɖagbe e é wa lɛ́ é wú

• Nǔ 2:1-4, 8, 9, 12-14, 18-20: Jezu kpa agun gěgé cóbó ɖe wě xá yě

Kpɔ́ndéwú Biblu tɔn e sixú d’alɔ we lɛ́ é:

• Mt 18:23-35: Jezu ná nǔjlɛ́dónǔwú agbɔ̌nnɔ ɖé dó tínmɛ nǔ e wú é ɖo tají tawun ɖɔ mǐ ní nɔ sɔ́ hwɛ kɛ mɛ é

Kpɔ́ndéwú Biblu tɔn e sixú d’alɔ we lɛ́ é:

• 1Sa 15:23-29: Gbeyíɖɔ Samuwɛ́li lɔn bónú xɛsi ɖi nú axɔ́sú Sawúlu ɖu ɖo jǐ tɔn ǎ

• 1Ax 22:19-28: È gblɔ́n adǎn nú gbeyíɖɔ Micée, bo lɛ́ xo dǎka wǔtu tɔn có, é gbɛ́ ɖɔ émí kún ná húzú wɛn akpágbanúmɛ tɔn e émí ɖó nú axɔ́sú Akábu é ó

Kpɔ́ndéwú Biblu tɔn e sixú d’alɔ we lɛ́ é:

• Lk 22:31-34: Mɛsɛ́dó Piyɛ́ɛ wa nǔ nyi do syɛ́nsyɛ́n có, Jezu ɖe xlɛ́ ɖɔ émí ɖeji ɖɔ é ná kpé wú bo dó wǔsyɛ́n lanmɛ nú mɛ ɖěvo lɛ́

• Flm 21: Mɛsɛ́dó Pɔ́lu xlɛ́ ɖɔ émí ɖeji ɖɔ Filemɔ́ɔ ná xwedó wě e émí ɖe xá ɛ sɔgbe xá jlǒ Mawu tɔn é