Kpɔ́ndéwú Biblu tɔn e sixú d’alɔ we lɛ́ é:

• 2Ta 32:2-8: Hwenu e è gblɔ́n kúdán nú togun ɔ syɛ́nsyɛ́n é ɔ, axɔ́sú Ezekiyási dó wǔsyɛ́n lanmɛ nú yě

• Da 10:2, 8-11, 18, 19: Wɛnsagun ɖé dó wǔsyɛ́n lanmɛ nú gbeyíɖɔ mɛxómɔ Daniyɛ́li, bo lɛ́ ná ɛ hlɔ̌nhlɔ́n hwenu e é ma ɖó gǎn ǎ é

Kpɔ́ndéwú Biblu tɔn e sixú d’alɔ we lɛ́ é:

• Sɛ́ 3:28; 31:7, 8: Gbeyíɖɔ Mɔyízi dó wǔsyɛ́n lanmɛ nú Jozuwée e ná jɛ tɛn tɔn mɛ é, bo lɛ́ ná ɛ hlɔ̌nhlɔ́n lěe Jexóva byɔ́ ɛ gbɔn é

• Mɛ 11:22-26; 14:22: Mɛsɛ́dó Pɔ́lu kpó Baanabási kpó dó wǔsyɛ́n lanmɛ nú klisánwun e ɖo Antyɔ́ci lɛ́ é ɖo yadónúmɛ hwenu

Kpɔ́ndéwú Biblu tɔn e sixú d’alɔ we lɛ́ é:

• Hwɛ 11:37-40, nwt: Izlayɛ́li ví nyɔ̌nu lɛ́ nɔ yi ba hwɛɖɔtɔ́ Jɛfutée sín vǐ nyɔ̌nu kpɔ́n xwewú xwéwu, bo ná mɔ tɛn dó kpa ɛ ɖó gbɛ mɛɖée sísɔ́ dó sá vɔ̌ tɔn e zán wɛ é ɖe é wú

• Nǔ 2:1-4: É byɔ́ ɖɔ Jezu ní gbɛ́ nǔ nú klisánwun e ɖo Efɛ́zi lɛ́ é có, é lɛ́ ɖɔ nǔ ɖagbe e wa wɛ yě ɖe lɛ́ é nú yě

 Kpɔ́ndéwú Biblu tɔn e sixú d’alɔ we lɛ́ é:

• 1Sa 23:16-18: Jonatáan tuun ɖɔ xɔ́ntɔn émítɔn Davídi ɖó hudó wǔsyɛ́n dó lanmɛ nú mɛ tɔn, énɛ́ wú ɔ, é ba ɛ mɔ bo ná mɔ tɛn dó ná ɛ hlɔ̌nhlɔ́n

• Jn 16:33: Jezu dó wǔsyɛ́n lanmɛ nú ahwanvú tɔn lɛ́ gbɔn kpɔ́ndéwú tɔn gblamɛ, bo lɛ́ ná yě gǎnjɛwú ɖɔ yě lɔ sixú ɖu ɖ’é jí émíɖɔhun

• Mɛ 28:14-16: Mɛsɛ́dó Pɔ́lu mɔ hlɔ̌nhlɔ́n hwenu e é mɔ nɔví gbejínɔtɔ́ lɛ́ bɔ yě zɔn ali wá kpé è bo ná dó wǔsyɛ́n lanmɛ n’i, hwenu e é xwe Hlɔ̌ma bónú è ná ɖɔ hwɛ tɔn é

Kpɔ́ndéwú Biblu tɔn e sixú d’alɔ we lɛ́ é:

• Kɛ́ 11:10-15: Awakanmɛ kú gbeyíɖɔ Mɔyízi tawun, ɖó togun ɔ nɔ húnhún nǔ ɖɔ bo nɔ lɛ́ se tónú ǎ wútu

• Kɛ́ 13:31, 32; 14:2-6: Xó nyanya ɖěɖěe amɛ̌ gbejímanɔtɔ́ wǒ lɛ́ ɖɔ é kú awakanmɛ nú togun ɔ, bo dɔn gǔfínfɔ́n wá

Kpɔ́ndéwú Biblu tɔn e sixú d’alɔ we lɛ́ é:

• 2Ta 20:1-19: Hwenu e ahwankpá ɖaxó ɖé wá ahwan tɔ́n axɔ́sú Jozafáti gbé é ɔ, é xo togun ɔ kplé bo xo ɖɛ

• Mɛ 12:1-5, 12-17: Ée è hu mɛsɛ́dó Jaki lobo wlí mɛsɛ́dó Piyɛ́ɛ dó gan mɛ gúdo é ɔ, agun e ɖo Jeluzalɛ́mu é kplé bo xo ɖɛ

Kpɔ́ndéwú Biblu tɔn e sixú d’alɔ we lɛ́ é:

• Bǐ 39:19-23; 40:1-8: È dó hwɛ agɔ Jozɛ́fu bo wlí i dó gan mɛ có, é nɔ gbejí lobo ɖo gbesisɔmɛ bá d’alɔ mɛ ɖěvo lɛ́

• 2Ax 6:15-17: Gbeyíɖɔ Elizée ɖo awǒvinú ɖaxó ɖé nukɔn có, ado hu i ǎ, bɔ é lɛ́ xo ɖɛ ɖɔ mɛsɛntɔ́ émítɔn ní ɖó linlin ɖokpó ɔ

Kpɔ́ndéwú Biblu tɔn e sixú d’alɔ we lɛ́ é:

• 1Sa 1:10, 11, 17, 18: Jexóva ɖótó Ana sín ɖɛ bo d’alɔ ɛ, bɔ é mɔ gbɔdónúmɛ, hwenu e é ɖo aluwɛ mɛ bɔ akpɔ lɛ́ ɖó è é

• 1Ax 19:1-19: Hwenu e awakanmɛ kú gbeyíɖɔ Elíi é ɔ, Jexóva d’alɔ ɛ ɖo ali tawun tawun ɖé lɛ́ nu. É dó wǔsyɛ́n lanmɛ n’i bo lɛ́ dó gbɔ n’i gbɔn nukúnɖíɖó sɔgúdo tɔn ɖé níná ɛ gblamɛ

Kpɔ́ndéwú Biblu tɔn e sixú d’alɔ we lɛ́ é:

• Jɔb 14:1, 2, 7-9, 13-15: Hwenu e Jɔbu tlɛ ɖo ninɔmɛ e d’ablu é mɛ é ɔ, nukúnɖíɖó fínfɔ́n sín kú tɔn dó gbɔ n’i

• Da 12:13: Hwenu e wɛnsagun ɖé ɖɔ xó dó ajɔ sɔgúdo tɔn wú nú gbeyíɖɔ Daniyɛ́li e ɖo xwe 100 mɔ̌ ɖó wɛ é ɔ, é dó wǔsyɛ́n lanmɛ n’i

Kpɔ́ndéwú Biblu tɔn e sixú d’alɔ we lɛ́ é:

• 1Sa 30:1-9: Hwenu e axɔ́sú Davídi ɖo wǔvɛ́ mɛ é ɔ, é xo ɖɛ sɛ́dó Jexóva bo mɔ hlɔ̌nhlɔ́n

• Lk 22:39-43: Hwenu e Jezu ɖo mɛtɛ́nkpɔ́n e é mɔ bɔ é syɛ́n hú gǎn é mɛ é ɔ, é xo ɖɛ vívɛ́ bɔ Jexóva se ɖɛ tɔn bo sɛ́ wɛnsagun ɖé dó bónú é ná dó wǔsyɛ́n lanmɛ n’i

Kpɔ́ndéwú Biblu tɔn e sixú d’alɔ we lɛ́ é:

• Mɛ 15:2-4: Mɛsɛ́dó Pɔ́lu kpó mɛsɛ́dó Baanabási kpó dó wǔsyɛ́n lanmɛ nú agun e yě ba kpɔ́n lɛ́ é tawun

• 3Jn 1-4: Hwenu e mɛsɛ́dó Jaan e nyí mɛxómɔ ɖé é se ɖɔ mɛ e émí jlá wɛn ɖagbe ɔ lɛ́ é kpo ɖo gbejí é ɔ, é dó wǔsyɛ́n lanmɛ n’i tawun