Kpɔ́ndéwú Biblu tɔn e sixú d’alɔ we lɛ́ é:

• 1Ax 19:1-18: Hwenu e è ɖo ya dó nú gbeyíɖɔ Elíi wɛ é ɔ, é ɖɔ nǔ e ɖo ayi tɔn mɛ lɛ́ é nú Jexóva bɔ é ná ɛ akɔ́nkpinkpan lobo lɛ́ dó gbɔ n’i

• Mɛ 7:9-15: Jozɛ́fu sín nɔví lɛ́ dó ya n’i, amɔ̌, Jexóva nɔ gbejí n’i, hwlɛ́n ɛ, bo lɛ́ zán ɛ bɔ é hwlɛ́n xwédo tɔn

Kpɔ́ndéwú Biblu tɔn e sixú d’alɔ we lɛ́ é:

• 2Ax 18:17-35: Axɔ́sú Asilíi tɔn sín ahwangán ɖaxó bǐ ɔ zun Jexóva, bo lɛ́ cá togun Jeluzalɛ́mu tɔn ko

• Lk 22:63-65; 23:35-37: Mɛ e dó ya nú Jezu lɛ́ é zun i hwenu e é ɖo hwɛ nukɔn é, bo lɛ́ cá ɛ ko hwenu e é ɖo yatín jí é

Kpɔ́ndéwú Biblu tɔn e sixú d’alɔ we lɛ́ é:

• Mɛ 7:57–8:1: Ahwanvú Etyɛ́ni ɖo nǎ kú wɛ ɖó ya e dó n’i wɛ ahwan ɔ ɖe é wú có, é byɔ́ Mawu ɖɔ é ní kú nǔbláwǔ nú mɛ e ɖo ya dó n’i wɛ lɛ́ é; Sólu Táasi tɔn ɔ lɔ ɖo yě mɛ

• Mɛ 16:22-34: È xo mɛsɛ́dó Pɔ́lu bo ján ɛ dó sókpo mɛ có, é nyɔ́ xomɛ dó gantɔ́cɔ́tɔ́ ɔ wú; énɛ́ zɔ́n bɔ gantɔ́cɔ́tɔ́ ɔ kpó xwédo tɔn kpó bǐ húzú nǔɖitɔ́

Kpɔ́ndéwú Biblu tɔn e sixú d’alɔ we lɛ́ é:

• 2Ta 32:1-22: Hwenu e axɔ́sú Senakelíbu sín ahwankpá agbɔ̌nnɔ ɔ gblɔ́n adǎn bo ná tɔ́n ahwan axɔ́sú gbejínɔtɔ́ Ezekiyási é ɔ, Ezekiyási gán jɛ Jexóva wú, bo dó wǔsyɛ́n lanmɛ nú togun ɔ; è dó ajɔ ɖaxó è ɖó énɛ́ wú

• Eb 12:1-3: Mɛ e dó ya nú Jezu lɛ́ é ba ná dó winnyá ɛ, amɔ̌, é lɔn nú énɛ́ zɔ́n bónú awakanmɛ kú i ɖo ali ɖěbǔ nu ǎ

Kpɔ́ndéwú Biblu tɔn e sixú d’alɔ we lɛ́ é:

• Jɔb 1:6-22; 2:1-10: Jɔbu tuun ɖɔ Satáan wɛ ɖo gǔdo nú mɛtɛ́nkpɔ́n syɛ́nsyɛ́n énɛ́ lɛ́ ǎ có, é gbɛ́ ɖɔ émí kún ná húzú kpan nukɔn Jexóva ó, énɛ́ kpa susu nú Mawu, bo xlɛ́ ɖɔ Satáan nyí adingbannɔ

• Da 1:6, 7; 3:8-30: Gbejínɔtɔ́ Ananíya, Micayɛ́li kpó Azalíya kpó (Cadláki, Mɛcáki kpó Abɛ́di-Nɛ́go kpó) ɖo gbesisɔmɛ bo ná kú kú baɖabaɖa ɖé, hú ɖɔ yě ná tlí tó nú Jexóva; énɛ́ zɔ́n bɔ axɔ́sú Nabukodonɔzɔ́ɔ e ma nɔ sɛn Mawu ǎ é kpa susu nú Jexóva ɖo agbawungba

Kpɔ́ndéwú Biblu tɔn e sixú d’alɔ we lɛ́ é:

• Mɛ 11:19-21: Klisánwun e gba kpé ɖó yadónúmɛ wú lɛ́ é kpo ɖo wɛn ɔ jlá wɛ gbɔn fí gěgé

• Flp 1:12, 13: É víví nú mɛsɛ́dó Pɔ́lu ɖɔ gankpá mɛ e é yi é zɔ́n bɔ wɛn ɖagbe ɔ yi nukɔn

Kpɔ́ndéwú Biblu tɔn e sixú d’alɔ we lɛ́ é:

• Mɛ 19:24-29: Ðo Efɛ́zi ɔ, mɛ ɖěɖěe nɔ bló vodúnxɔ Aatemísi tɔn kpɛví kpɛví lɛ́ é nɔ kpɔ́n nǔ e klisánwun lɛ́ nɔ kplɔ́n mɛ dó bǒcyɔsinsɛn wú lɛ́ é dó mɔ nǔ e ɖo ali glɔ́n nú ajɔ̌ yětɔn wɛ é, énɛ́ wú ɔ, yě nɔ dó ya nú klisánwun lɛ́

• Ga 1:13, 14: Cóbónú Pɔ́lu (Sólu) ná húzú klisánwun ɔ, é nɔ jɛ hun dó sinsɛn Jwifu lɛ́ tɔn jí kpó kanɖódónǔwú kpó, énɛ́ wú ɔ, é nɔ dó ya nú klisánwun lɛ́