A ka sixu na xósin nú nǔkanbyɔ elɔ lɛ e jinjɔn Atɔxwɛ 2019 tɔn lɛ jí é à?

Etɛ ka nyí tinmɛ akpá Mawu tɔn elɔ tɔn: “Alyannú e è na tun bo na sɔ́ dó jǐ we ɔ ɖě na wà nǔtí nú we ǎ”? (Eza. 54:17)

Mǐ sixu ɖeji ɖɔ Mawu na nya xɛ ɖò mǐ jí sín “adǎn [nǔhɛngblétɔ́] e jí acɛgannaganna-kpanúmɛtɔ́ lɛ nɔ ɖè” é sí. (Eza. 25:4, 5) Kɛntɔ́ mǐtɔn lɛ na kpéwú bo hɛn nǔ gblé dó mǐ wu kaka sɔyi ǎ.—w19.01, wex. 6-7.

Nɛ̌ lee Mawu wà nǔ xá Kanáanu lɛ kpo Izlayɛli-ví gǔfɔntɔ́ lɛ kpo gbɔn é ka xlɛ́ nǔjlɔjlɔwiwa tɔn gbɔn?

Mawu na ɖó hwɛ nú mɛ ɖěɖee nɔ ɖ’alɔ ɖò nǔbliblíwiwa e xyɔwǔ lɛ é alǒ dakaxixo nyɔnu lɛ kpo vǐ kpɛví lɛ kpo wu mɛ lɛ é. É nɔ kɔn nyɔna dó mɛ e nɔ setónú n’i bo nɔ wà nǔ xá mɛ ɖevo lɛ kpo hwɛjijɔ kpo lɛ é jí.—w19.02, wex. 22-23.

Enyi mɛ e ma nyí Kúnnuɖetɔ́ ǎ é jló na xoɖɛ bɔ mǐ ɖò finɛ ɔ, etɛ mǐ ka ɖó na wà?

Mǐ sixu cí xwíi bo ka na wà mɔ̌ kpo sísí kpo, amɔ̌ mǐ na ɖɔ “nicɛ” alǒ hɛn alɔ mɛ ɖevo lɛ tɔn ɖò ɖɛ ɔ hwenu ǎ. Mǐ sixu xoɖɛ mǐɖesunɔ tɔn dó ayi mɛ.—w19.03, wex. 31.

Nɛ̌ daka xò vǐ kpɛví wu ka nyla sɔ?

Daka xò vǐ kpɛví wu nyí hwɛhuhu dó mɛ e jí nǔ ɔ jɛ dó é, agun ɔ, acɛkpikpa e ɖò tò nu lɛ é, kpo Mawu kpo. Enyi tosɛ́n byɔ ɖò tò ɖé mɛ ɖɔ è ni nɔ ɖó daka xò vǐ kpɛví wu sín gbè ɔ, mɛxo lɛ nɔ wà nǔ sɔgbe xá.—w19.05, wex. 9-10.

Nɛ̌ a ka sixu huzu ayixa kpo linlin towe lɛ kpo alǒ bló bɔ ye na kpɔ́n te gbɔn?

Afɔ taji lɛ ɖíe: Nɔ xoɖɛ sɛ́dó Jehovah. Nɔ lin tamɛ kpo linlin ɔ kpo ɖɔ emi na gbéjé emiɖée kpɔ́n. Nɔ cyan gbɛ̌ towe lɛ kpo nǔnywɛ kpo.—w19.06, wex. 11.

Etɛ mǐ ka sixu wà dìn dó sɔnǔ ɖ’ayǐ nú yadonúmɛ?

Mǐ ɖó na hɛn kancica mǐ kpo Jehovah kpo tɔn lidǒ. Ðeji ɖɔ é yí wǎn nú mǐ bo kún na jó mǐ dó gbeɖé ó. Nɔ xà Biblu gbè bǐ gbè, bo nɔ lɛ́ xoɖɛ ɖò gbesisɔmɛ. Kúdeji ɖɔ Axɔ́suɖuto ɔ sín nyɔna lɛ na wá jɛn wɛ. Kplɔ́n wemafɔ Biblu tɔn lɛ kpo han e nɔ kpa susu nú Jehovah bɔ a yí wǎn na lɛ é kpo dó tamɛ.—w19.07, wex. 2-4.

Etɛ mǐ ka sixu wà dó d’alɔ hɛ̌nnumɔ mǐtɔn lɛ bɔ ye na gán?

É ɖò taji ɖɔ mǐ ni nɔ sè wuvɛ̌ xá ye, walɔ ɖagbe mǐtɔn na nyí kúnnuɖiɖe ɖagbe ɖé; nɔ ɖó suúlu bo nɔ wlí yɛ̌yi nú ye.—w19.08, wex. 15-17.

Lee Jezu d’akpá tɔn gbɔn ɖò Matie 11:28 mɛ é ɔ, nɛ̌ è ka nɔ fá kɔ nú mǐ gbɔn?

Mǐ ɖó Klisanwun nukúnkpénuwutɔ́ wanyiyinɔ lɛ, xɔ́ntɔn ɖagbe hugǎn lɛ bo lɛ́ ɖò azɔ̌ ɖagbe hugǎn ɔ wà wɛ.—w19.09, wex. 23.

Nɛ̌ Jehovah ka sixu bló bɔ mǐ na ɖó jlǒ kpo hlɔnhlɔn kpo bo wà nǔ gbɔn? (Fili. 2:13)

Enyi mǐ nɔ xà Xó Mawu tɔn, bo nɔ lin tamɛ d’eji ɔ, Mawu sixu wà azɔ̌ ɖò mǐ wu, bo bló bɔ mǐ na ɖó jlǒ ɔ bá wà jlǒ tɔn, lobo lɛ́ ɖó hlɔnhlɔn bo na wà nǔ. Gbigbɔ tɔn sixu bló bɔ nǔwukpíkpé jɔwamɔ tɔn mǐtɔn na kpɔ́n te.—w19.10, wex. 21.

Afɔ e nǔnywɛ kpé lɛ é tɛ lɛ mǐ ka sixu ɖè cobo wá gbeta taji ɖé kɔn?

Nǔ atɔ́ɔ́n ɖíe: Nɔ ba dò nú nǔ hlɛ́nhlɛ́n. Nɔ xoɖɛ bo byɔ nǔnywɛ. Nɔ gbéjé nǔ e nɔ sísɛ́ we lɛ é kpɔ́n. Nɔ nɔ tito jí. Nɔ nɔ jlɛ̌ jí.—w19.11, wex. 27-29.

Lindɔ̌n jɔmakú sín linlin ɔ bɛ́ ɖò hwenu e Satáan ɖɔ xó nú Ɛvu é wɛ à?

É cí ɖɔ é kún nyí mɔ̌ ó. Satáan ɖɔ nú Ɛvu ɖɔ é kún na kú ó, é ɖɔ n’i ɖɔ agbaza tɔn kɛɖɛ wɛ na kú ǎ. Linlin sinsɛn nǔvú lɛ tɔn ɖě xò Sinvɔgbɛ ɔ zlɛ́ ǎ. Lindɔ̌n jɔmakú sín nǔɖiɖi ɔ sixu ko bɛ́ cobɔ Mawu gbà mɛ ɖěɖee ɖò Atɔxwɛ Babɛli tɔn mɛ̀ wɛ lɛ é dó.—w19.12, wex. 15.