Nǔgbo ɔ Dó Axɔ́suɖuto Mawu Tɔn Wu
Jezu kplɔ́n ahwanvu tɔn lɛ ɖɔ ye ni nɔ xoɖɛ ɖɔ: “Tɔ́ mǐtɔn e ɖò [jixwé] ɔ, nyikɔ towe ni nyí nǔ sísí. Axɔ́suɖuɖu towe ni wá; jlǒ towe ni nyí wiwa ɖò ayikúngban jí fí, lee é nɔ nyí wiwa ɖò [jixwé] ɔ ɖɔhun.” (Matie 6:9, 10) Etɛ ka nyí Axɔ́suɖuto Mawu tɔn? Etɛ é ka ɖò wiwa wɛ? Etɛwu mǐ ka ɖó na nɔ xoɖɛ bo byɔ?
Jezu wɛ nyí Axɔ́su nú Axɔ́suɖuto Mawu tɔn.
Luki 1:31-33: A “na sun nyǐ i ɖɔ Jezu. É na nyí mɛ nukúnɖeji ɖé, bɔ è na nɔ ylɔ́ ɛ ɖɔ Mawu Ajalɔnlɔn ví. Aklunɔ Mawu na sɔ́ ɛ ɖó tɔ́ tɔn Davidi sín axɔ́suzinkpo jí. É na ɖu axɔ́su ɖò Izlayɛli-ví lɛ nu kaka sɔyi, bɔ axɔ́suɖuɖu tɔn na vɔ gbeɖé ǎ.”
Axɔ́suɖuto ɔ wɛ nyí xóta taji e Jezu jla é.
Matie 9:35: “Jezu nɔ ɖò toxo ɖaxó lɛ bǐ kpodo gletoxo lɛ bǐ kpo mɛ gbɔn wɛ, bo nɔ ɖò nǔ kplɔ́n mɛ wɛ gbɔn kplɔ́ngbasá Jwifu lɛ tɔn, bo nɔ ɖò axɔ́suɖuɖu Mawu tɔn sín wɛnɖagbe jla wɛ; lobo nɔ ɖò azɔn alɔkpa alɔkpa lɛ, kpodo wɔ̌nzɔn lɛ kpo gbɔ wɛ.”
Jezu na xlɛ̌ e na d’alɔ ahwanvu tɔn lɛ bɔ ye na tuùn ɖɔ Axɔ́suɖuto ɔ ko sɛkpɔ é ɖé ye.
Matie 24:7: “Akɔta ɖě na site dó ɖě jí, bɔ axɔ́suɖuto ɖě na site dó ɖě jí; adɔ na tɔ́n, bɔ ayikúngban na dánwǔ gbɔn fí tɛnmɛ tɛnmɛ.”
Ahwanvu Jezu tɔn lɛ ɖò Axɔ́suɖuto ɔ jla wɛ gbɔn ayikúngban ɔ bǐ jí dìn.
Matie 24:14: “È na jla axɔ́suɖuɖu Mawu tɔn sín Wɛnɖagbe gbɔn gbɛ̀ ɔ bǐ mɛ, bonu é na nyí kúnnuɖiɖe nú gbɛtɔ́ lɛ bǐ. Enɛ ɔ gudo ɔ, gbɛ̀ ɔ na vɔ.”
Xóta élɔ́ lɛ́ lɔ sixú jɛjí nú we
NǓKANBYƆ́ BIBLU TƆN LƐ́ SÍN XÓSIN
Etɛ ka Nyí Axɔsuɖuto Mawu Tɔn?
Gbějé nǔ e wu acɛkpikpa Mawu tɔn hugǎn acɛkpikpa ɖevo lɛ bǐ é kpɔ́n.
ESSENTIAL BIBLE TEACHINGS
Etɛ ka Nyí Axɔsuɖuto Mawu Tɔn?
Sinsɛnzɔ́ Jezu tɔn hwenu ɔ, é kplɔ́n nǔ mɛ dó Axɔsuɖuto Mawu tɔn wu hú xota ɖevo ɖebǔ. Nú xwè kanweko mɔkpan ɔ, ahwanvu tɔn lɛ xoɖɛ ɖɔ Axɔsuɖuto enɛ ni wá.
