Enyi mɛ ɖevo lɛ na bo tlɛ flú we ɖò gbɛzán towe mɛ ɔ, Mɛɖé tíìn bo na flú we gbeɖé ǎ. Mɛ̌ ka wɛ?

Axɔ́su Davidi hwexónu tɔn ɔ ɖɔ: “Ðó tɔ́ ce kpo nɔ ce kpo na bo ɖè alɔ sín kan ce mɛ ɔ, hwɛ Mawu Mavɔmavɔ ɔ, a na kɛ alɔ bo yí mì.”—Ðɛhan 27:10.

Jehovah nyí “Tɔ́ nǔblawukúnúmɛtɔ́ . . . , bo nyí Mawu e nɔ dó gbɔ nú mɛ ɖò ali bǐ nu é. É nɔ dó gbɔ nú mǐ, ɖò wuvɛ̌ e mǐ nɔ mɔ lɛ bǐ mɛ.”—2 Kɔlɛntinu lɛ 1:3, 4.

“Mi zlɔ́n nǔ e ɖò linkpɔ́n nyí nú mi wɛ lɛ bǐ sín agban ɖó jǐ tɔn, ɖó é ɖò nukún kpé dó mi wu wɛ.”—1 Piyɛ́ɛ 5:7.

Bo na dó tuùn lee Mawu nɔ kpé nukún dó wǔ we gbɔn é hǔn, kpɔ́n wemata 12gɔ́ wema Etɛ Biblu ka Sixu Kplɔ́n Mǐ? tɔn; Kúnnuɖetɔ́ Jehovah tɔn lɛ wɛ ɖetɔ́n, b’ɛ lɛ́ ɖò www.pr418.com jí.