Mǐ mɛ bǐ wu wɛ kú nɔ wà nǔ dó, amɔ̌ kú wɛ ka nyí vivɔnu nǔ lɛ bǐ tɔn à? È na wɔn mɛkúkú lɛ kaka sɔyi wɛ à? Nukúnɖiɖó ɖé ka ɖè nú mɛkúkú lɛ à?

È NA WƆN MƐKÚKÚ LƐ Ǎ

“Mɛkúkú lɛ na . . . tɔ́n sín yɔdo yetɔn lɛ mɛ.”—Jaan 5:28, 29.

Mawu nɔ flín mɛkúkú lɛ; mɛ e ɖò yɔdo flǐn tɔn mɛ lɛ é na fɔ́n wá gbɛ̀.

FÍNFƆ́N SÍN KÚ NA TÍÌN ÐÒ AYIKÚNGBAN JÍ

“Mawu na wá fɔ́n mɛ ɖagbe lɛ, kpodo mɛ nyanya lɛ kpo sín kú.”—Mɛsɛ́dó 24:15.

È na fɔ́n gbɛtɔ́ liva mɔkpan wá gbɛ̀, bɔ ye na ɖó nukúnɖiɖó bo na nɔ gbɛ̀ kaka sɔyi ɖò fífá mɛ.

NUKÚNÐIÐÓ FINFƆ́N SÍN KÚ TƆN ÐÓ JIÐE

“[Mawu] xà sunví nabi e ɖò jǐ é, bo na nyikɔ ɖokpo ɖokpo.”—Ðɛhan 147:4.

Enyi Mawu kpéwú bo nɔ ylɔ́ sunví lɛ ɖokpo ɖokpo sín nyikɔ hǔn, é na bɔwǔ n’i bɔ é na flín mɛ ɖěɖee é na fɔ́n sín kú lɛ é.