Nǔkiko Yɛ́ɛ ɖé Jɛn Zɔ́n Nǔ Enɛ lɛ Bǐ!
ÐYƆVǏ we ɖò yiyi wɛ ɖò toxo Baguio tɔn mɛ ɖò Philippines. Ye mɔ kɛkɛví e è nɔ sɔ́ dó ɖekúnnu na ɖò agbawungba é ɖé, ye ka sɛkpɔ́ ǎ. Helen e nyí nɔví nyɔnu ɖé, bo ɖò te ɖò kɛkɛví ɔ kpá é ko nǔ yɛ́ɛ ɖé dó ye. Ðyɔvǐ lɛ nɔte ǎ, amɔ̌, nǔ e Helen ko é dɔn ye.
Nukɔnmɛ ɔ, ɖyɔvǐ lɛ ɖò mɔ̌to mɛ bo xwè xwégbe bo mɔ nǔɖe bɔ è wlán jw.org ɖ’eji, bo tɛ́ ɖó Kpléxɔ Axɔ́suɖuto ɔ tɔn ɖé wu. Ye flín ɖɔ nǔwlanwlán ɖokpo enɛ ɔ wɛ ɖò kɛkɛví e è nɔ sɔ́ dó ɖekúnnu na bɔ ye mɔ wá yì é jí. Ye mɛ we lɛ bǐ jɛte sín hǔn ɔ mɛ bo yì kpléxɔ ɔ mɛ. Ye mɔ gan e mɛ agun vovo lɛ nɔ bló kplé ɖò kpléxɔ enɛ ɔ mɛ lɛ é.
Ðyɔvǐ we lɛ bǐ yì kplé e bɔ d’ewu é. Hwenu e ye ɖò kpléxɔ ɔ mɛ byɔ wɛ é ɔ, a ka tuùn mɛ e ye mɔ é à? Helen wɛ. Ye flín tlolo ɖɔ é wɛ ko nǔ dó emi ɖ’ayǐ. Helen ɖɔ: “Ee ye ja gɔ́n ce é ɔ, ado hu mì kpɛɖé. Un vɛsín un wà nǔ ɖě nyi dò wɛ sín.” Ðyɔvǐ lɛ tinmɛ nǔ e jɛ wá yì é nú Helen.
Ye ɖu vivǐ kplé ɔ tɔn, bo vo bo nɔ kpɔ́ xá nɔví lɛ. Ee ye mɔ mɛ lɛ bɔ ye ɖò kpléxɔ ɔ jlaɖó wɛ é ɔ, ye kanbyɔ ɖɔ emi sixu d’alɔ à jí. Ðyɔvǐ lɛ ɖokpo wá gosin tò ɔ mɛ, amɔ̌, mɛ wegɔ́ ɔ jɛ kplé lɛ yì jí, bo lɛ́ jɛ Biblu kplɔ́n jí. Nǔkiko yɛ́ɛ ɖé wɛ ka zɔ́n nǔ enɛ lɛ bǐ.