Asú kpó asi kpó e nɔ xa tan gbɛzán tɔn ɖokpó zǎnzǎn lɛ́ bǐ é ɖé ɖɔ: “Tan gbɛzán tɔn énɛ́ lɛ́ xixa nɔ ná mǐ awǎjijɛ, bo nɔ lɛ́ dó wǔsyɛ́n lanmɛ nú mǐ tawun. Yě nɔ flín mǐ ɖɔ mǐ lɔmɔ̌ sixú nɔ gbejí ɖo ninɔmɛ lɛ́ bǐ mɛ.” Nǔ nɔ lɛ́ cí mɔ̌ nú nɔví nyɔ̌nu ɖokpó; é ɖɔ: “Tan gbɛzán tɔn énɛ́ lɛ́ nɔ dó gbɔ nú mɛ, nɔ byɔ́ ayi mɛ, bo nɔ lɛ́ dɔn mɛ titewungbe tɔn. Nɔví súnnu kpó nɔví nyɔ̌nu kpó énɛ́ lɛ́ nya nǔ gěgé gbé ɖo gbɛzán yětɔn mɛ, bɔ gbɛzán yětɔn lɛ́vɔ́ ɖó nu. Tan yětɔn lɛ́ nɔ sísɛ́ mì bɔ un nɔ wa nǔ e wú un kpé é bǐ ɖo sinsɛnzɔ́ ɔ mɛ, bo nɔ lɛ́ d’alɔ mì bɔ un nɔ dó wǔsyɛ́n lanmɛ nú vǐ ce lɛ́ bónú yě ná wa sinsɛnzɔ́ hwebǐnu tɔn nú Jexóva.”

Tan gbɛzán tɔn lɛ́ sixú dó wǔsyɛ́n lanmɛ nú we bɔ a ná wa nǔ gěgé d’é jí ɖo sinsɛnzɔ́ Jexóva tɔn mɛ, ɖí xwi xá gǎnmaɖó lɛ́, bo lɛ́ dɛ ɖo wǔvɛ́ syɛ́nsyɛ́n lɛ́ nu kpó awǎjijɛ kpó, ɖo yɛ̌yi mɛ. Nɛ̌ a ka sixú mɔ tan énɛ́ lɛ́ gbɔn?

• Ba “Tan gbɛzán tɔn lɛ́” ɖo WEMASƐXWETƐN ƐNTƐNƐTI JÍ TƆN Watchtower Tɔn^™ kpó Watchtower Library kpó mɛ, alǒ ɖo jw.org jí.