Bóyá mǐ mɛ gěgé ɖɔhun ɔ, é nɔ vɛ́ wǔ nú we bɔ a ná flín nǔ ɖěɖěe a kplɔ́n lɛ́ é. É ɖo mɔ̌ có, a ka ɖó ayi lěe nǔjlɛ́dónǔwú Jezu tɔn lɛ́ nɔ yá wǔ wá ayi mɛ nú mɛ tlóló gbɔn é wú a? A sixú nɔ dó nukún yě mɛ kpɔ́n, bɔ énɛ́ nɔ zɔ́n bɔ a nɔ flín nǔ e é kplɔ́n mɛ lɛ́ é. Mɔ̌ ɖokpó ɔ, a sixú flín nǔ e a kplɔ́n lɛ́ é hú gǎn, ényí a nɔ dó nukún yě mɛ kpɔ́n ɔ nɛ́. Nɛ̌ a ka sixú wa énɛ́ gbɔn? Nɔ ɖe desɛ́ɛn hwenu e a ɖo nǔ kplɔ́n wɛ é.

Hwɛhwɛ ɔ, mɛ ɖěɖěe nɔ ɖe desɛ́ɛn hwenu e yě kplɔ́n nǔ yɔ̌yɔ́ lɛ́ é nɔ flín nǔ hú gǎn. É nyí xógbe lɛ́ kɛ́ɖɛ́ wɛ desɛ́ɛn ɖiɖe nɔ d’alɔ yě bɔ yě nɔ mɔ nukúnnú jɛ mɛ hú gǎn ǎ, loɔ, é nɔ lɛ́ d’alɔ yě bɔ yě nɔ flín nǔ tají e ɖo nǔ e yě kplɔ́n lɛ́ é mɛ lɛ́ é. Desɛ́ɛn e yě nɔ ɖe lɛ́ é nɔ gɛ́dɛ́ ǎ. Gɔ́ ná ɔ, kúnnuɖenú lɛ́ xlɛ́ ɖɔ mɛxómɔ lɛ́ sixú ɖu wlɛnwín énɛ́ sín le tawun.

Hweɖévonu e a ná ɖo nǔ kplɔ́n wɛ é ɔ, a sixú ba ná tɛ́n kpɔ́n bá ɖe nǔ e a kplɔ́n lɛ́ é sín desɛ́ɛn ɖé lɛ́. Lě do a ná flín nǔ lɛ́ sɔ é sixú kpácá we!