Xa Bǐbɛ́mɛ 37:23-28; 39:17–23 bónú dɛ e Jozɛ́fu dɛ ɖo nǔagɔwaxámɛ nu é ní kplɔ́n nǔ we.

Gbějé nǔ e lɛ́ lɛ̌ dó wěmafɔ ɔ lɛ́ é kpɔ́n. Étɛ́ ka zɔ́n bɔ è wa nǔ agɔ xá Jozɛ́fu? (Bǐb. 37:3-11; 39:1, 6-10) Táan nabí é ka byɔ́ ɖɔ Jozɛ́fu ní dɛ ɖo nǔagɔwaxámɛ nu ná? (Bǐb. 37:2; 41:46) Ðo táan énɛ́ lɛ́ mɛ ɔ, étɛ́ Jexóva ka wa nú Jozɛ́fu? Étɛ́ É ma ka wa ǎ?—Bǐb. 39:2, 21; w23.01 wěx. 17-18, akpá. 13.

Ba do nú nǔ d’é jí. Nǔ e Potifáa sín asi ɖɔ dó Jozɛ́fu wú é nyí nǔgbó ǎ có, Biblu ɖɔ nú mǐ ɖɔ Jozɛ́fu dó hwɛ ɛ ɖɔ adingban ɖó wɛ é ɖe ǎ. Nɛ̌ wěmafɔ e bɔ d’é wú lɛ́ é ka sixú d’alɔ mǐ bɔ mǐ ná lin tamɛ dó nǔ e wú Jozɛ́fu sixú ko cí xwíí é, alǒ, nǔ e wú mǐ ma ɖó ná ɖó nukún ɖɔ è ní kɔ́n sɛ sín gǒflɛ́mɛ lɛ́ bǐ jí ǎ é jí gbɔn? (Nǔx. 20:2; Jaan 21:25; Mɛ. 21:37) Jijɔ tɛ́ lɛ́ ka sixú ko d’alɔ Jozɛ́fu bɔ é dɛ ɖo nǔ agɔ e è wa xá ɛ é nu?—Micée 7:7; Luk. 14:11; Ja. 1:2, 3.

Ba nǔkplɔ́nmɛ lɛ́. Kanbyɔ́ hwiɖée ɖɔ:

• ‘Ðó un nyí ahwanvú Jezu tɔn wútu ɔ, nǔagɔwaxámɛ tɛ́ un ka sixú ɖó nukún?’—Luk. 21:12, 16, 17; Eb. 10:33, 34.

• ‘Nɛ̌ un ka sixú sɔ́ nǔ ɖ’ayǐ bá ɖí xwi xá nǔagɔwaxámɛ b’ɛ ná kpa mì gbɔn?’—Ðɛh. 62:8, 9; 105:17-19; w19.07 wěx. 2-7.