E tokaga le Atua ki ʼana kaunaga alā e māsasaki. Sakinake la, e pati i le Tosi-Tapu: “E fakamakeke a ia e [“Seova,” MN]. . . . i ona masaki fuli.” (Pesalemo 41:4) Kapau e kotou maʼuli mo se masaki faigataʼa, ti e mafai ke tokoi atu a manatu anei e tolu:

1. Kole ki le Atua ke soli atu le makeke ke ke katakiʼi ai le faigataʼaʼia lenā. E mafai ke kotou maʼua “le tokamalie o le Atua, leia e fakalaka ake i atamai fuli,” ti e tokoi atu loa ke leʼaise ke faʼa tuʼania ti mo ke katakiʼi loa le masaki.​—Filipe 4:6, 7.

2. Kotou maʼua se manatu e mālie. E pati i le Tosi-Tapu: “Ko le loto leia e fiafia ko se faitoo malie, kae ko le loto mamae e fakatupu ia le malo o ivi.” (Taagapati 17:22) Ko ia, kotou maʼua se loto e fiafia talie e fakatupu fīmālie ti e mālie ki le tino.

3. Fakamekekeʼi lakoutou tui ki le amanaki. Ka kotou tui makeke ti e tokoi atu loa ke koutou fiafia logo ai le masaki faigataʼa. (Loma 12:12) E fakasā i le Tosi-Tapu, kua vave lotātou maʼuli i se mālama ‘e leʼaise pati loa se tasi: E kau masaki!ʼ (Esaia 33:24) E puliʼi loa e le Atua a masaki faigataʼa fuli, alā e leʼaise mafai ke faitoʼo e toketā o le temi nei. E toe felaʼaki mo lātou alā kua mātutuʼa, e lotou toe liliu loa o muli. E māsau feneʼeki le Tosi-Tapu ki se tagata kua matuʼa: “E toe mauli loa lona tino ofaipe tino koi muli, e toe liliu loa a ia ki aso o lona tupulaga.”​—Sopo 33:25.

Manatu: Logo ai e tui le Kau Fakamāʼoki a Seova ki fakapapau a le Atua, kae e lotou fakaʼaogaʼi a faitoʼo fakatoketā ki olātou masaki. (Maleko 2:17) Kae e se fakamaʼua ki se tasi, e tasi fakalogo faʼi kiate kita le filifili o lona faitoʼo.