En fow hiɗen faalaa mbuuɗi fii dankagol ɓeynguureeji men ɗin e waɗangol ɓe piiji ko ɓe faalaa (Tindi 30:8, TMN). No woniri woo « mbuuɗi ko hijaabu ». (Waajotooɗo on 7:12, TMN.) Yewtere mbuuɗi hakkunde gorko e ɓeyngu mun no satti fii, kono wota on accu fii mbuuɗi adda ella ka dewgal mon (Efeesi 4:32). Gorko e ɓeyngu mun no haani hoolondirde, ɓe fewjoda, ɓe annda honno ɓe depansirta mbuuɗi.

KO DEFTERE ALLAH NDEN WI’I KON : « Hara ko hombo e mon si no faalaa darnude koore, ronkata jooɗaade taho, taskoo fii ko o eɓɓi kon si ko ko yonata ? » (Luuka 14:28.) Hino haani ka fewjodon anndon honno depansirton mbuuɗi mon ɗin (Amuusi 3:3, TMN). Fewjodee ko faalaɗon soodude e ndaaron ko jelu waawoton depansude (Tindi 31:16, TMN). Wonaa fii hiɗon jogii mbuuɗi fii soodugol goɗɗun soodiranton ɗun. Etee hara on ƴettaali ɲamaande. Depansee mbuuɗi ɗi jogiɗon ɗin (Tindi 21:5 ; 22:7, TMN).

KO HAANUƊON KON WAƊUDE :

• Siɗon heddorii mbuuɗi ka lannoode lewru, fewjodee ko waɗoton ɗi

• Si hawrii mbuuɗi ɗin yonataa, ƴettee pehe fii ɗuytugol ko depansoton kon. E piide misal, hiɗon waawi defande hoore mon hara on yaltaali soodugol ɲaametee

KO DEFTERE ALLAH NDEN WI’I KON : « Ko fii ko ko moƴƴi kon men woni ɗaɓɓude, hinaa non yeeso Joomiraaɗo on tun, kono kadi e yeeso yimɓe ɓen » (2 Korenti 8:21). Feewanee ɓeyngu mon maa moodi mon fii ko heɓoton kon e ko depansoton kon.

Fewjodee e ɓeyngu mon maa moodi mon soono woo fii depansugol mbuuɗi mon ɗin (Tindi 13:10, TMN). Yewtugol fii mbuuɗi adday ɓuttu ka dewgal mon. Keɓal mon ngal ko fii ɓeynguure nden, wonaa fii onon tun (1 Timotee 5:8).

KO HAANUƊON KON WAƊUDE :

• Fottanee fii mo kala ko depansata kon hara o lanndaaki oya

• Wota on habbo haa satteendi ara si wowlon fii mbuuɗi