« Ko an tagi kala huunde » (Feɲɲinannde 4:11).

Honɗun Deftere Allah nden jannata en fii Allah ?

• Feɲɲinannde 15:3

  Ko kanko woni Joomiraaɗo on, ɓurɗo dolnude on e nder aduna on fow.

• Zabuura 90:2

  Ko o wooduɗo poomaa.

• Matta 6:9

  Allah ko Baaba men.

  Himo faalaa yo en heɓu ngurndan ɓurɗan moƴƴude.

• Kuuɗe sahaabaaɓe ɓen 17:27

  Allah no faalaa ɓadaade en.

Ko « Yahuwah [. . .] woni innde an nden haa poomaa » (Eggudu ndun 3:15, Traduction du monde nouveau).

Fii honɗun innde Allah nden no hitti ?

• Zabuura 83:18

  Allah daalani en wonndema innde makko nden ko Yahuwah. « Allah » e « Joomiraaɗo » wonaa inɗe. Ko tiitooɗe, wano « lanɗo » maa « persidan ». Yahuwah no faalaa yo en huutor innde makko nden.

• Eggudu ndun 3:14

  Innde makko no firi « Ko kanko woni wontinoowo on. » Ɓayri ko Yahuwah tagi piiji ɗin fow, himo waawi laatinde kala ko o fodi, o waɗa faale makko on.

« Alla ko giggol » (1 Yuuhanna 4:8).

Ko honɗun giggol Allah ngol firani en ?

• Eggudu ndun 34:6; Zabuura 37:28

  Ko o yurmeteeɗo. Himo yiɗi goonga e peewal.

• Zabuura 86:5

  Ko o yaafotooɗo.

• 2 Petruusu 3:9

  Himo muɲɲanii en.

• Feɲɲinannde 15:4

  Ko o sella-finndeejo.

« Fawee anndeeji mon ɗin fow e hoore makko, ko fii o kippay fii mon » (1 Petruusu 5:7).

Ko honno anndirɗon wonndema Allah no kippi fii mon ?

• Zabuura 37:9-11

  Himo fodi lannugol tampere e moƴƴintingol kala bone ko yimɓe bonɓe waɗi.

• Yaaquuba 4:8

  Yahuwah no faalaa yo on ɓado mo.

• Yuuhanna 17:3

  Ko no anndirton Allah woo, ɓurtirton mo yiɗude.