« No hawnii miijagol ka Allah goongaajo on waɗa ko boni, ka Jom Bawgal on waɗa ko haanaa » (Ayyuuba 34:10, TMN).

Fii honɗun tampere ɗuuɗani e oo aduna ?

• 1 Yuuhanna 5:19

  Ko Seytaane woni lanɗo aduna on.

• Waajotooɗo on 8:9

  Tagaaɗo no tampinde ɗimmo mun.

• Waajotooɗo on 9:11

  Wonnde yimɓe no tampa ɓayri hiɓe e nokkuure e saa’i mo haanaa.

• 1 Petruusu 5:7

  Yahuwah no yiɗi yimɓe ɓen moƴƴa. O yiɗaa yi’ugol hiɓe tampa.

« Ko ɓay Allaahu on no andi [. . .] gite mon ɗen udditoto, wa’on wa Alla, andon ko moƴƴi e ko boni » (Fuɗɗoode nden 3:5).

Fii honɗun Yahuwah wattannoo yila e ko Seytaane yeddunoo mo kon ?

• Fuɗɗoode nden 3:2-5

  Seytaane tooɲuno Allah wo ko o lanɗo bonɗo. Seytaane hari no faalaa yo yimɓe ɓen hoolo wonndema ko kamɓe haani fewjande hoore maɓɓe ko moƴƴi maa ko boni.

• Ayyuuba 38:7

  Seytaane yedduno Yahuwah yeeso milliyonji malaa’ikaaɓe.

« Wonanaa tagaaɗo seppoowo hay fewnugol palannde makko » (Yeremiiya 10:23, TMN).

Fii honɗun tagaaɗo no tampi gila ko neeɓi ?

• Isaaya 55:9

  Yimɓe ɓen heɓii sifa laamuuji buy, kono ɓe waawataa laamaade leydi ndin no moƴƴiri ɓaawo Allah.

• 2 Petruusu 3:9, 10

  Yahuwah no muɲɲii e himo accani en saa’i fii anndugol mo e suɓagol mo o wona Lanɗo men.

• 1 Yuuhanna 3:8

  Yahuwah huutoray annabi Iisaa fii wattugol kala bone ko seytaane waɗi.

« Wonu mokobaa, yo ɓiɗɗo an, [. . .] fii no mi jaabora wonɗo lan e liggitude on » (Tindi 27:11, TMN).

Fii honɗun Yahuwah forsataa en rewugol mo ?

• Tindi 30:24

  Kulle ɗen no waɗa piiji no Allah tagiriɗe non, kono enen Yahuwah no okki en hettaare fii suɓagol. Hiɗen waawi suɓaade si en reway mo maa si en rewataa mo.

• Matta 22:37, 38

  Yahuwah no faalaa yo en rewu mo ɓayri hiɗen yiɗi mo.