« Ko an wondi e ɓunndu ngurndan ɗan » (Zabuura 36:9, TMN).

Honno hollirten hiɗen teddini ngurndan ?

• Kuuɗe sahaabaaɓe ɓen 17:28 ; Feɲɲinannde 4:11

  Ngurndan ko dokkal iwrungal ka Yahuwah. Hiɗen haani ɗan teddinde.

• Eggudu ndun 21:22, 23 ; Yaɲɲannde sariyaaji ɗin 5:17

  Warugol e bonnugol reedu moƴƴaa.

• 1 Yuuhanna 3:11, 12, 15

  Ngayngu moƴƴaa.

• 2 Korenti 7:1

  Selee jikkuuji bonɗi, wano fiimugol e ƴettugol doroogu.

• Zabuura 11:5

  Selee kala fijundaaru ko wondi e hunƴeendi.

« Ko fii ngurndan kala tagaaɗo maa kulle ko ka nder ƴiiƴan woni, ɓayri ngurndan ɗan no e nder majjan » (Sariyaaji lewiyankeeɓe ɓen 17:14, TMN).

Ko honɗun woni miijo Allah ngon fii ngurndan e ƴiiƴan ?

• Fuɗɗoode nden 4:10 ; Yaɲɲannde sariyaaji ɗin 12:23

  Ko ƴiiƴan woni fii ngurndan.

• Fuɗɗoode nden 9:3, 4

  Hiɗen waawi ɲaamude teewu kono en haanaa ɲaamude maa yarude ƴiiƴan.

• Kuuɗe sahaabaaɓe ɓen 15:28, 29 ; 21:25

  Yamiroore Allah nden fii yo en woɗo ƴiiƴan no tawaa e huutorgol ɗan ka ɲawndagol.

• Yahuudiyankeeɓe 11:6

  Njaatigiyaagal men e Yahuwah ko huunde ɓurunde hittude ka ngurndan men.

« Ƴiiƴan Iisaa [. . .] no laɓɓinde en e kala junuubu » (1 Yuuhanna 1:7).

Ko honɗun sadaka annabi Iisaa on waɗanta en ?

• Sariyaaji lewiyankeeɓe ɓen 17:11

  Ɓaawo ɗoo, si Banii-Isra’iila’en waɗiino junuubu, hiɓe waawunoo toraade Yahuwah fii yo o yaafo ɓe. Ɓe ittayno sadaka kullun e yottinoowo sadaka on hibbayno ƴiiƴan mun seeɗa ka hoore layyorde.

• Matta 20:28 ; Yahuudiyankeeɓe 9:11-14

  Fewndo annabi Iisaa arunoo e oo aduna, o lontinno sariya fii ittugol sadaka e hoore okkugol ngurndan makko ɗan, maa ƴiiƴan makko ɗan, fii yaafuyee junuubaaji men ɗin.

• Yuuhanna 3:16

  Hakkee ko ngurndan annabi Iisaa ɗan hittunoo, Yahuwah immintinno mo o ƴawi ka kammu e o okki kala tagaaɗo gomɗinɗo annabi Iisaa feere fii wuurugol haa poomaa.