« Ko ɗun waɗi si mi jiccii yeeso Baabaajo on, on mo ɓeynguureeji wonɗi ka kammu e ka leydi ɗin fow inniraa » (Efeesi 3:14, 15).

Honno ɓeynguure mon nden waawirta heɓude weltaare ?

• Fuɗɗooɗe nden 1:26-28

  Ko Yahuwah tagi ɓeynguure aranere nden.

• Efeesi 5:1, 2

  Feere fii heɓugol weltaare ka ɓeynguure ko ɲemmbugol Yahuwah e annabi Iisaa.

« Yo mo kala e mon yiɗ[u] sonnaajo mun, [. . .] yo sonnaajo on teddin moodi mun » (Efeesi 5:33).

Honno moodibbo e sonnaajo haani jogondirde ?

• Efeesi 5:22-29

  Ko moodibbo on woni hooreejo ɓeynguure nden. Himo haani yiɗude beyngu makko, e ɓeyngu makko no haani wallitaade mo.

• Koloosi 3:19 ; 1 Petruusu 3:4

  Mo kala no haani moƴƴande e teddinde oya.

• 1 Petruusu 3:1, 2, 7

  Moodibbo e ɓeyngu mun no haani teddindirde.

• 1 Timotee 5:8 ; Tiituusa 2:4, 5

  Moodibbo no haani dannkaade ɓeynguure mun. Sonnaajo no haani jogitaade ɓeynguure mun moƴƴa.

« Wota on mettin ɓerɗe fayɓe mon ɓen, kono ne’iree ɓe e hoore waajagol ɓe, eltira ɓe laawol Yahuwah ngol » (Efeesi 6:4, TMN).

Ko honɗun mawɓe ɓen haani waɗude ?

• Yaɲɲannde sariyaaji ɗin 6:4-9 ; Tindi 22:6

  Hiɗon haani waɗude saa’i fii jannugol fayɓe mon ɓen fii Yahuwah. Fuɗɗee lawu, walliron ɓe seeɗa seeɗa fii mo kala e maɓɓe no wonira giɗo Yahuwah.

• 1 Petruusu 5:8

  Jannee fayɓe mon ɓen fii no ɓe woɗɗora jeenooɓe e boneeji goo.

• Yeremiiya 30:11 ; Yahuudiyankeeɓe 12:9-11

  Hiɗon haani ne’ude fayɓe mon ɓen kono hara wonaa e hoore monee maa hunƴeendi.

« Fayɓe, ɗoftee mawɓe mon ɓen » (Efeesi 6:1).

Fayɓe, fii honɗun haanuɗon ɗoftaade mawɓe mon ɓen ?

• Tindi 23:22-25 ; Koloosi 3:20

  Ɗoftaare mon nden weltinay Yahuwah e mawɓe mon ɓen.

• 1 Korenti 15:33

  Ɗaɓɓee njaatigiiɓe yiɗuɓe Yahuwah. Ontuma waɗugol ko haani sattanoytaa on.