« Kono dambugal nawrayngal e ngurndan ngal e ɗatal nawrayngal e ngurndan ngal ko faaɗuɗe kono ko seeɗaaɓe heɓata ɗen » (Matta 7:14).

Honno anndirɗen wonndema Allah jaɓataa diinaaji ɗin fow ?

• Matta 7:21-23

  Allah jaɓataa diinaaji ɗin fow. Wonaa diinaaji ɗin fow waɗata faale Allah on.

• Matta 7:13, 14

  Diina goonga kan nawray en ka ngurndan poomayankejan. Diina fenaande nawray en ka hayrannde.

• Matta 7:16, 17

  On anndiray diina goonga kan golle mun ɗen. Wota on ɗaɓɓu anndugol diinaaji ɗin fow ; janngee ko Deftere Allah nden wi’i kon tun.

• 1 Tesalonii 2:13 ; 2 Timotee 3:16, 17

  Hoolee e jannon ko woni ka nder Deftere Allah kon tun.

• Matta 4:10 ; Yuuhanna 17:6

  Rewee Yahuwah e huutoron innde makko nden.

• Yuuhanna 13:35

  Hollindiree giggol haqiiqawol.

• Yuuhanna 3:36 ; Kuuɗe sahaabaaɓe ɓen 4:12

  Ɗoftee annabi Iisaa. Ko kanko woni feere nde Allah ƴetti fii danndugol en.

• Yuuhanna 18:36 ; Kuuɗe sahaabaaɓe ɓen 5:29

  Wota on tawe e waɗugol politiki.

• Matta 24:14 ; 6:10

  Jannee yimɓe ɓen wonndema ko Laamu Allah ngun tun jittata satteendeeji men ɗin.

Ko honɗun haanuɗon waɗude si hiɗon faalaa yo Allah jaɓu dewal mon ngal ?

• Yaaquuba 2:19

  Innugol tun hiɗon hoolii Allah yonataa. Hiɗon haani waɗude ko Deftere Allah nden wi’i kon.

• Isaaya 52:11 ; Feɲɲinannde 17:5

  Diina fenaande, maa Baabiila mawnde nden, no jannude yimɓe ɓen rewugol Allah no o jaɓirtaa. Jannde diina fenaande no tawaa e piiji wano tiriinite, wonkii ki maayataa e jahannama.

• Feɲɲinannde 18:4, 8

  Neeɓataa Yahuwah mula diinaaji fenaande ɗin fow. Hiɗon haani wikkaade kala ko tawaa e diina fenaande.

• Markuusa 10:28-30

  No gasa on heɓay liddondiral, kono Yahuwah hawkataa on.