« Iwee e hakkunde maɓɓe, seedon, wota on meemu ko laaɓaa » (2 Korenti 6:17).

Fii honɗun rewugol sanamu e maamiraaɓe bonani ?

• Eggudu ndun 20:4, 5 ; 1 Yuuhanna 5:21

  Yahuwah faalaaka yo en huutor sanamu fii rewugol mo.

• Yaɲɲannde sariyaaji ɗin 18:10-12

  Ɓee wonuɓe e yewtidude e mayɓe, tigi tigi on, ko jinnaaji ɓe woni e yewtidude e mun.

« Awa hakkilanee e ko welata Joomiraaɗo on kon » (Efeesi 5:10).

Honno waawirton fewjude si on tawete maa on tawetaake e feeto ?

• Hazqi’iila 44:23 ; 2 Korenti 6:14, 15

  Taskee fii anndugol si ko ka heeferɓe ngo iwri.

• Eggudu ndun 32:2-10

  Fii kala waɗayɓe feeto ɓen no miijii ko moƴƴi, ɗun hollaa wonndema Allah no yiɗi ngon feeto.

• Danu’iila 3:1-27

  Selee feetooji mawninayɗi yimɓe, feddeeji yimɓe, maa al’alaamaaji leyɗe.

• 1 Timotee 1:18, 19

  Wattanee yila e waɗon waɗeteeɗi ɗin fow fii no heɓiron miijo moƴƴo yeeso Yahuwah.

« Yo taw soono woo konnguɗi mon ɗin ko welɗi, hara hiɗi welniraa lanɗan fii no anndiron ko honno jaaborton mo kala » (Koloosi 4:6, TMN).

Honno haanuɗon yewtirde yimbe ɓen fii gomɗinal mon ngal ?

• Matta 7:12

  Teddinee ko woɓɓe suɓii kon no faaliraɗon yo ɓe teddin ko suɓiɗon kon.

• 2 Timotee 2:24

  Wonee moƴƴuɓe soono woo hara on haɓidaali e yimɓe fii gomɗinal mon ngal.

• 1 Petruusu 3:15

  Yewtee fii gomɗinal mon ngal e hoore newaare e teddungal.

• Yahuudiyankeeɓe 10:24, 25

  Ka pottite Almasiyaaɓe, woɓɓe rerɗinay on e ɓe wallay on no anndiron ko yewton si on lanndaama fii gomɗinal mon ngal.