« E hino ndiyan, ko honɗun haɗatammi looteede maande kisiyee ? » (Kuuɗe sahaabaaɓe ɓen 8:36).

Fii honɗun e honno haanuɗon lootireede maande kisiyee ?

Lootegol maande kisiyee no holli on accii kuuɗe mon kiɗɗe ɗen fii wuurugol ngurndan kesan e hoore waɗugol faale Allah on.

• Matta 28:19, 20

  Hiɗon haani looteede maande kisiyee fii rewugol Yahuwah.

• Zabuura 40:8

  Lootegol maande kisiyee hollay woɓɓe goo wonndema hiɗon faalaa rewude Allah.

• Matta 3:16

  Hiɗon haani mutineede ka nder ndiyan wano annabi Iisaa mutiniranoo non.

« Ko woni yiɗugol Alla : ko ɗoftagol yamirooje makko ɗen. Yamirooje makko ɗen-le hinaa sattuɗe » (1 Yuuhanna 5:3).

Fii honɗun on haanaa hulude okkugol ngurndan mon ɗan Yahuwah ?

• Zabuura 103:14 ; Isaaya 41:10

  Fii kala on wonaa aaden mo aldaa e junuubu, hiɗon waawi okkude ngurndan mon ɗan Yahuwah. O wallay on waɗugol ko moƴƴi.

• Koloosi 1:10

  Giggol mon ngol fii Yahuwah wallay on foolugol kullol mon fii wota on yeddu mo.

« Fii waɗugol faale maa on, yaa Allah an, ɗun ko weltaare an, sariya maa on no ka nder ɓernde an » (Zabuura 40:8, TMN).

Ko honɗun haanuɗon waɗude fii okkugol ngurndan mon Yahuwah ?

• Yuuhanna 17:3

  JANNGEE DEFTERE ALLAH NDEN

  Anndee Yahuwah e annabi Iisaa. Ko no ɓurtirton ɓe anndude woo, ɓurtirton ɓe yiɗude.

• Yahuudiyankeeɓe 11:6

  TIIƊINEE GOMƊINAL MON NGAL

  Hoolee fodooje Allah ɗen e sadaka annabi Iisaa on fii sottugol en e junuubu e mayde.

• Kuuɗe sahaabaaɓe ɓen 3:19

  TUUBEE

  Ko ɗun firi ninsugol fii piiji bonɗi ɗi waɗuɗon ɗin fow.

  YILTEE

  Ko ɗun firi accugol ko boni e waɗugol ko moƴƴi.

• 1 Petruusu 4:2

  OKKEE ALLAH NGURNDAN MON ƊAN

  On okkay ngurndan mon ɗan Yahuwah si on fodii mo e nder toraare fii rewugol mo e waɗugol faale makko on huunde ɓurunde hittude ka ngurndan mon.