« Kala daalol windiingol ko foofaango Alla » (2 Timotee 3:16).

Honno Deftere Allah nden sertiri e defte ɗen fow ?

Deftere Allah nden no waylaa e nder haalaaji ko yahata 2 600, e miliyaarji mayre no muulaa.

Hinde mari kumpital ngal en heɓataa hay nokku.

• 1 Tesalonii 2:13

  Deftere Allah nden ko ka Allah iwri.

• 2 Petruusu 1:21

  Ko Allah ɗowi yimɓe ɓen fii winndugol miijooji makko ɗin.

« Alla [. . .] faayataa » (Tiituusa 1:2).

Fii honɗun hoolantoɗon Deftere Allah nden ?

• Isaaya 44:27–45:2

  Deftere Allah nden hiitino honno Baabiila lancirtee duuɓi teemeɗe teemeɗe ado ɗun waɗude.

• 2 Timotee 3:1-5

  Hiitanɗe Deftere Allah ɗen no laataade hannde.

• Adaduuji 23:19

  Hiɗen waawi hoolaade ko Deftere Allah nden haali kon fii ko aroyta.

« Min Yahuwah, ko min woni Allah maa on, wonɗo ma e jannude on fii no nafiraa hoore maa » (Isaaya 48:17, TMN).

Ko honɗun annduɗon fii Deftere Allah nden ?

• Ayyuuba 26:7 ; Isaaya 40:22

  Ko Deftere Allah nden haali fii antaaku kon ko haqiiqa.

• Adaduuji 20:2-12

  Winnduɓe Deftere Allah ɓen ko sella-findeeɓe.

• Matta 5–7

  Annabi Iisaa waajino en honno heɓirten weltaare, honno wondirten e woɓɓe goo e nder ɓuttu, honno juulirten e honno mbuuɗi haani en wa’irande.

« Daaluyee Alla on ko wuuruɗo duncoowo » (Yahuudiyankeeɓe 4:12).

Ko honɗun Daaluyee Allah on waɗanta on ?

• Waaway on wallude no faamiron faale Allah on.

• Waaway on wallude fii anndugol no siforɗon.

• Waaway on wallude no faamiron ko Allah faalaa yo on waɗu.

Allah no faalaa yo on janngu e yiɗon Deftere makko nden.