« Ko onon woni Almasiihu on » (Matta 16:16).

Honno anndirɗen wonndema ko annabi Iisaa woni Almasiihu on ?

• Matta 3:16, 17 ; Yuuhanna 1:32-34

  Yahuwah no holli ko annabi Iisaa woni ɓiɗɗo makko on.

• Mikaa 5:2 ; Matta 2:1, 3-9

  Annabi Iisaa laatinno hiitanɗe ɗen fow fii Almasiihu on.

« Ko fii hinaa waɗugol faale an on tippinimmi iwrude ka kammu » (Yuuhanna 6:38).

Honɗun annabi Iisaa waɗunoo ka kammu ?

• Koloosi 1:15, 16

  Ko annabi Iisaa woni tagoore aranere Yahuwah nden e o huutorno mo fii tagugol piiji luttuɗi ɗin fow. Baaba makko jannuno mo e nder duuɓi miliyaarji.

• Luuka 1:30-35

  Ko Yahuwah nelunoo annabi Iisaa ka aduna.

« Accee paykoy koy ara e an » (Markuusa 10:14).

Ko sifaaji annabi Iisaa honɗi yiɗuɗon ?

• Markuusa 10:13-16

  Annabi Iisaa no moƴƴunoo, e yimɓe no yiɗunoo yewtidugol e makko.

• Yuuhanna 4:9, 27

  Annabi Iisaa teddinno rewɓe ɓen.

• Yuuhanna 13:2-5, 12-17

  Annabi Iisaa hari no yankinii.

• Matta 9:35, 36 ; Markuusa 1:40-42

  Annabi Iisaa no faalanoo wallude yimɓe.

« Mi timminii kuuɗe ɗe yamirɗaa mi waɗugol ɗen » (Yuuhanna 17:4).

Honno misal annabi Iisaa ngal wallirta en wonugol gomɗinɓe ?

• Matta 4:1-11

  Annabi Iisaa luttuno wonugol sella-finndeejo ko Ibuliisa jarribii mo.

• Markuusa 3:21

  Annabi Iisaa jokkuno waɗugol faale Allah on hay fewndo ko siɓɓe makko ɓen awmotoo mo.

• 1 Petruusu 2:21-23

  Annabi Iisaa waɗaano ayɓe makko ɓen ko boni hay ɲannde wootere.

• Filipii 2:8

  Annabi Iisaa gomɗino Allah hay ko o maayata.

• Yahuudiyankeeɓe 10:12, 13 ; 1 Petruusu 3:18

  Yahuwah immintinno annabi Iisaa e o yiltii ka kammu.