5. Cottiingu ngun—dokkal Allah mawngal
1 EN FOW HIƊEN FAALA COTTIINGU NGUN
« Ɓii-Aaden on [aruno] fii [. . .] okkitir[gol] ngurndan mun ɗan fii cottudi ɗuuɗuɓe » (Matta 20:28).
Fii honɗun hiɗen faala cottiingu ngun ?
-
Ko baaba Aadama yeddi Allah, huuwondiral makko e Yahuwah boni, o faɗi ngurndan poomayankejan ɗan e Aljanna.
-
Sabu ko baaba Aadama waɗunoo kon, heɓuɗen junuubu e mayde.
-
Cottiingu ngun ko feere nde Yahuwah waɗi fii sottugol tagaaɗo e junuubu e mayde.
2 KO YAHUWAH JONNI COTTIINGU NGUN
« Allaahu on addii Ɓiɗɗo makko bajjo on e nder oo aduna fii no wuuriren immorde e makko » (1 Yuuhanna 4:9).
Ko honno Yahuwah jonniri cottiingu ngun ?
-
Hay gooto e men waawataano yoɓugol cottiingu ngun fii ngurndan poomayankejan, ɗan baaba Aadama faɗi ɗan.
-
Yahuwah neluno ɓiɗɗo makko mo o yiɗi on ka hoore leydi fii yo o jibine wa aaden mo aldaa e junuubu.
Roomu 3:23, 24 ; Yahuudiyankeeɓe 9:24
Ɓawto ko Annabi Iisaa immintinaa, o yiltii ka kammu, ko ton o jonni Yahuwah cottiingu ngun : fiira ngurndan makko ɗan aldaa e junuubu ɗan.
3 KO COTTIINGU NGUN JONNATA EN TANƳINAARE TIMMUNDE
« O fitta[y] kala gongol ka gite maɓɓe, hara hande kadi mayde waɗitataa » (Feɲɲinannde 21:4).
Honno cottiingu ngun nafirta en ?
-
Junuubaaji men ɗin yaafete.
-
En heɓay miijo laaɓungo yeeso Allah.
-
Hiɗen mari tanƴinaare fii ngurndan poomayankejan.
-
Cottiingu ngun ko dokkal hollungal wonndema Yahuwah e annabi Iisaa no yiɗi en fota.
4 HIƊEN HAANI JAƁUGOL COTTIINGU NGUN
« Alla [. . .] yeɗii [. . .] Ɓiɗɗo makko bajjo on, fii kala gomɗinɗo mo [. . .] yo ontigi heɓu ngurndan poomayankejan » (Yuuhanna 3:16).
Ko honno hollirten weltaare fii dokkal Allah ngal, cottiingu ngun ?
-
Anndee Yahuwah e annabi Iisaa, e ɲemmbon ɓe.
-
Tawee ka annditugol mayde annabi Iisaa hitaande kala.
-
Waɗen ko ɓuri innugol tun hiɗen hoolii annabi Iisaa. Waɗen ko annabi Iisaa janni en kon.