« Ɓii-Aaden on [aruno] fii [. . .] okkitir[gol] ngurndan mun ɗan fii cottudi ɗuuɗuɓe » (Matta 20:28).

Fii honɗun hiɗen faala cottiingu ngun ?

• Fuɗɗooɗe nden 3:17-19

  Ko baaba Aadama yeddi Allah, huuwondiral makko e Yahuwah boni, o faɗi ngurndan poomayankejan ɗan e Aljanna.

• Roomu 5:12

  Sabu ko baaba Aadama waɗunoo kon, heɓuɗen junuubu e mayde.

• Efeesi 1:7

  Cottiingu ngun ko feere nde Yahuwah waɗi fii sottugol tagaaɗo e junuubu e mayde.

« Allaahu on addii Ɓiɗɗo makko bajjo on e nder oo aduna fii no wuuriren immorde e makko » (1 Yuuhanna 4:9).

Ko honno Yahuwah jonniri cottiingu ngun ?

• Zabuura 49:7, 8

  Hay gooto e men waawataano yoɓugol cottiingu ngun fii ngurndan poomayankejan, ɗan baaba Aadama faɗi ɗan.

• Luuka 1:35

  Yahuwah neluno ɓiɗɗo makko mo o yiɗi on ka hoore leydi fii yo o jibine wa aaden mo aldaa e junuubu.

• Roomu 3:23, 24 ; Yahuudiyankeeɓe 9:24

  Ɓawto ko Annabi Iisaa immintinaa, o yiltii ka kammu, ko ton o jonni Yahuwah cottiingu ngun : fiira ngurndan makko ɗan aldaa e junuubu ɗan.

« O fitta[y] kala gongol ka gite maɓɓe, hara hande kadi mayde waɗitataa » (Feɲɲinannde 21:4).

Honno cottiingu ngun nafirta en ?

• 1 Yuuhanna 1:8, 9

  Junuubaaji men ɗin yaafete.

• Yahuudiyankeeɓe 9:13, 14

  En heɓay miijo laaɓungo yeeso Allah.

• Roomu 6:23

  Hiɗen mari tanƴinaare fii ngurndan poomayankejan.

• Galaasi 2:20

  Cottiingu ngun ko dokkal hollungal wonndema Yahuwah e annabi Iisaa no yiɗi en fota.

« Alla [. . .] yeɗii [. . .] Ɓiɗɗo makko bajjo on, fii kala gomɗinɗo mo [. . .] yo ontigi heɓu ngurndan poomayankejan » (Yuuhanna 3:16).

Ko honno hollirten weltaare fii dokkal Allah ngal, cottiingu ngun ?

• Yuuhanna 17:3

  Anndee Yahuwah e annabi Iisaa, e ɲemmbon ɓe.

• Luuka 22:19

  Tawee ka annditugol mayde annabi Iisaa hitaande kala.

• Yuuhanna 3:36; Yaaquuba 2:26

  Waɗen ko ɓuri innugol tun hiɗen hoolii annabi Iisaa. Waɗen ko annabi Iisaa janni en kon.