« Mayɓe ɓen anndaa hay huunde » (Waajotooɗo on 9:5, TMN).

Ko honɗun heɓata en si en maayii ?

• Zabuura 146:3, 4 ; Waajotooɗo on 9:6, 10

  Si en maayii en yi’ataa, en nanataa, e en miijotaako.

• Yuuhanna 11:11-14

  Annabi Iisaa eɓɓindirno mayde e ɗoyngol.

« Kono ɓiɓɓe leggal anndinayngal ko moƴƴi e ko boni kon, a haanaa ɲaamude, ko fii ɲannde ɲaamuɗaa ngal woo, pellet a maayay nden ɲannde » (Fuɗɗoode nden 2:17, TMN).

Fii honɗun maayanten ?

• Fuɗɗoode nden 3:1-6

  Seytaane fenanno neene Hawaa fii ko heɓaynoo mo si o yeddii yamiroore Allah nden. Ko baaba Aadama e neene Hawaa yeddi Yahuwah, ɓe heɓuno junuubu e ɓe sakkitori maayugol.

• Fuɗɗoode nden 3:19

  Ko baaba Aadama maayii, o acci wuurugol.

• Roomu 5:12

  Junuubu no wa’i wa nawnaare hulɓiniinde nde mawɓe men aranɓe ɓen raaɓini en. En fow ko e nder junuubu heɓaɗen. Ko sabu ɗun maayanten.

• 1 Korenti 15:26

  Deftere Allah nden no noddi mayde nden gaɲo.

« Si neɗɗo maayii, o wuuray kadi ? [. . .] Haray miɗo habbii ɲannde mi inmintintee » (Ayyuuba 14:14, TMN).

Honno anndugol goonga on fii mayde waɗata yo en hetto e piiji ɗi wonaa goonga ?

• 1 Yuuhanna 4:8

  Ko jannetee kon fii jahannama mawnintaa Yahuwah. O jaɓataa yimɓe tampira non muk.

• Feɲɲinannde 4:11

  Yimɓe buy no hula mayɓe ɓen, ko sabu ɗun hiɓe rewa ɓe ɗoo yo ɓe rewude Yahuwah. Ko Yahuwah woni Allah goongaajo on e ko kanko tun haanuɗen rewude.