« Yo laamu maa ngun feeɲu, yo faale maa on waɗu ka aduna wano woniri non ka kammuuli » (Matta 6:9-13).

Ko honno Laamu Allah ngun woniri ?

• Feɲɲinannde 11:15

  Laamu Allah ngun, maa guwerneman on, laamoyto aduna on fow gila ka kammu.

• 1 Timotee 6:15

  Ko annabi Iisaa woni Lanɗo Laamu Allah ngun.

• Feɲɲinannde 14:1, 4

  Yimɓe 144 000 laamidoyto e annabi Iisaa gila ka kammu.

• Yahuudiyankeeɓe 4:15 ; 5:8

  Annabi Iisaa e yimɓe 144 000 ɓen no faama miijooji e sonnjaaji ɗi wonduɗen ɗin.

« O ɲaawiroyay miskinɓe ɓen e hoore peewal » (Isaaya 11:4, TMN).

Fii honɗun annabi Iisaa wonani Lanɗo suɓaaɗo ɓuruɗo kelɗuɗo on fii Laamu Allah ngun ?

• 1 Timotee 6:16

  Lamɓe aduna ɓen fow sakkitoray maayugol, kono annabi Iisaa maayataa muk. Moƴƴereeji ɗi annabi Iisaa waɗoyta ɗin fow luttuyay haa poomaa.

• Isaaya 11:2-4

  Annabi Iisaa no waawi waɗude moƴƴere ɓuri kala lanɗo aduna. Himo dolni ɓuri lamɓe aduna ɓen fow. Himo feewi e himo yurmee.

« Allaahu on ka kammu waɗoyay laamu ngu lancetaake » (Danu’iila 2:44, TMN).

Honɗun Laamu ngun waɗi ? Honɗun ngu waɗoyta ko aroyta ?

• Feɲɲinannde 12:7-12

  Ɓawto ko annabi Iisaa lamminaa e ndee hitaande 1914, o yaltinno Seytaane ka kammu o bugii mo ka hoore leydi. Ko ɗun waɗi sonnjaa, muuseendi e tampere no ɗuuɗi e nder aduna on fow.

• Waajotooɗo on 8:9 ; Feɲɲinannde 16:16

  Ka gere inneteeɗo Armagadaana, Laamu Allah ngun lancoyay laamuuji tagaaɗo fow.

• Zabuura 37:10

  Yimɓe jokkuɓe waɗugol piiji bonɗi muloyte.

• Feɲɲinannde 22:1-3

  Si Laamu Allah ngun laamoyike aduna on, hay gooto nawnoytaa maa maaya e tagaaɗo fow teddinoyay innde Allah nden.