« Gila ka fuɗɗoode mi haalii fii ko aroyta, e gila ko neeɓi fii piiji ɗi waɗaaka taho » (Isaaya 46:10, TMN).

Ko honɗun annduɗen fii lannoode aduna on ?

• Danu’iila 7:13, 14

  Annabi Iisaa wonii Lanɗo ka kammu e ndee hitaande 1914.

• Matta 24:3-14

  Annabi Iisaa hiitino fii saa’iiji sattuɗi fii tagaaɗo.

• Feɲɲinannde 12:7-9, 12

  Ɓawto ko annabi Iisaa woni Lanɗo tun, o raɗino Seytaane ka kammu e o bugii mo ka hoore leydi. Seytaane no heewi tikkere ɓay « ko saa’ihun nii » heddanii mo ado Allah mulude mo.

« Ko honɗun wonoyta maande [. . .] lannoode aduna on ? » (Matta 24:3.)

Hiɗon yi’iude hiitanɗe Deftere Allah wonuɗe e laataade hannde ɗen ?

• Matta 24:7 ; Luuka 21:11

  Hannde hiɗen yi’ude gereeji, heege, dimmbanɗe leydi e ɲabbeeli ɓuri saa’iiji ɗin ɓaawo ɗoo.

• 2 Timotee 3:1-5

  Sahaabaajo inneteeɗo Puulusa haaluno fii jikkuuji ɗi yimɓe wondata ka sakkitoode aduna.

• Danu’iila 12:4

  Allah no wallude yimɓe makko ɓen no ɓe ɓurtira faamude Deftere makko nden.

• Matta 24:14

  Kibaaru moƴƴo on fii Laamu Allah ngun no waajeede e nder aduna on fow.

« Ɲalaande Yahuwah nden arday wa ngujjo no ara jemma » (1 Tesalonii 5:2, TMN).

Ɓayri lannoode aduna on ɓadike, honɗun haanuɗon waɗude ?

• Yuuhanna 17:3

  Waɗee soobee e janngugol Deftere Allah nden.

• Yahuudiyankeeɓe 10:24, 25

  Ɓeydee janngugol e hoore tawegol ka pottite Seedeeɓe Yahuwah ɓen.

• Yaaquuba 4:8

  Waɗee ko haani e nder ngurndan mon ɗan fii no ɓurtiron ɓadaade Allah.

• Luuka 21:34-36

  Wota on weddito, jokkee rewugol Yahuwah.