Allah no faalaa yo en wuuru e nder ɓuttu e welo welo ka aljanna hoore ndii leydi haa poomaa.

Haray hiɗon miiji honno ɗun waɗiroyta. Deftere Allah nden wi’i ko Laamu Allah ngun waɗoyta ɗun, e ko faale makko fii yo yimɓe ɓen fow yo janngu, ɓe annda ko o waɗanoyta en kon. — Zabuura 37:11, 29, Traduction du monde nouveau ; Isaaya 9:7, TMN.

Allah no faalaa ko moƴƴani en.

Wano baabaajo moƴƴuɗo ko miijantoo ɓiɓɓe mun ɓen, ko non Baaba men ka kammu faalaa yo en heɓu ngurndan poomayankejan e welo welo (Isaaya 48:17, 18, TMN). Himo fodi mo kala : ‘ Waɗoowo faale Allah on luttay haa poomaa. ’ — 1 Yuuhanna 2:17.

Allah no faalaa yo en jokku laawol makko ngol.

Deftere Allah nden wi’i, Taguɗo on “ jannay en fii laawol makko ngol ” fii no jokkiren ngol laawol (Isaaya 2:2, 3, TMN). Himo mooɓindiri yimɓe fii “ innde makko ” nden, fii anndingol faale makko on e nder aduna on fow. — Kuuɗe sahaabaaɓe ɓen 15:14.

Allah no faalaa yo en rewu mo e hoore pottal.

Laawol Yahuwah ngol lancataa yimɓe, kono fottinay ɓe e hoore giggol laaɓungol (Yuuhanna 13:35). Ko homɓe woni jannude hannde worɓe e rewɓe e nder aduna on fow fii rewugol Allah e hoore pottal ? Ngal lanndal no jaabaa e nder ndee deftere.