On jaaraama buy fii ko jannguɗon kon ndee deftere e anndugol Seedeeɓe Yahuwah ɓen, golle amen ɗen e no men siforii non. Meɗen tanƴinii ko jannguɗon kon e nder ndee deftere wallay on anndugol wonuɓe e waɗude faale Yahuwah on hannde. Ɓeydee wakkilaare anndugol Allah e yewton ɓeynguure mon nden e goreeɓe mon ɓen ko jannguɗon kon. Ɓeydee wakkilaare yahugol ka pottital amen saa’iji ɗin fow. — Yahuudiyankeeɓe 10:23-25.

Si on jokkii janngugol daaluyee Yahuwah on, on waaway anndude honno o yiɗiri en. Ɗun wallay on no waɗiron faale Allah on e fii no holliron giggol mon ngol fii makko (1 Yuuhanna 4:8-10, 19). Kono ko honno hollirton ɗun e nder ngurndan mon ɗan ? Ko honno ɗoftagol sariyaaji Allah ɗin nafirta on ? Ko honɗun wallata on waɗugol faale Allah on ? Mo wonuɗon janngidude Deftere Allah nden weltoto wallugol on, onon e ɓeynguure mon nden jaabagol ɗee lanndaale. Ɗun wallay on ‘ catoɗon e giggol Allah ngol ’ fii no heɓiron “ ngurndan poomayankejan ”. — Yuudu 21.

Wakkilee jokkugol jannde mon nden e ɓeyɗon ganndal mon ngal e nder ndee deftere e haala faransi “ Gardez-vous dans l’amour de Dieu ”.