Gila duuɓi guluuji e guluuji, Yahuwah no faalaa ɓeynguure kala yo tummbondir, ɓe yiɗindira e ɓe haɓɓitoo e makko (Yaɲɲannde sariyaaji ɗin 6:6, 7, TMN). Ko sabu ɗun Seedeeɓe Yahuwah ɓen no suɓi saa’i e nder yontere nden fii rewugol Allah — ɓe jannga Deftere Allah nden e ɓe yewta piiji ko nafata ɓeynguure maɓɓe nden e nder welo welo. Hay si ko onon tun hiɗon waawi suɓaade saa’i fii janngugol Deftere Allah nden.

Saa’i ko wallata en fii ɓadagol Yahuwah. ‘ Ɓadee Allah, ɗun o ɓadoto on. ’ (Yaaquuba 4:8). En ɓurtay anndude Yahuwah e piiji ko o waɗi kon si en janngii Deftere makko nden. Hiɗen waawi fuɗɗoraade janngugol corteeji hollaaɗi ɗin fii pottital Ngurndan e waajagol. Mo kala ka ɓeynguure waaway janngude seeɗa e yewta ko o faami kon.

Saa’i ko wallata en no ɓadoren ɓeynguure men nden. Si gorko e debbo, mawɓe e fayɓe janngidii Deftere Allah nden, ɓe jokkay enɗan. Kono ko yo jannde nden wonu e hoore welo welo e ɓuttu. Mawɓe ɓen no waawi suɓaade yewtereeji hittuɗi e nder defte cewɗe inneteeɗe La Tour de Garde maa Réveillez-vous ! maa ka jokkorde amen Enternet jw.org e haala faransi, yeru fayɓe ɓen no ɓe heɓira feere fii anndeeji maɓɓe ɗin. Mawɓe ɓen no waawi yewtude fii piiji ko fayɓe ɓen feƴƴinta ka lekol e holla ɓe honno ɓe huntirta anndeeji maɓɓe ɗin. Haɗi ndaaron porogaraam holleteeɗo ka JW Broadcasting (tv.pr418.com) e yewton fii mun ɓawto ɗun ? Woɓɓe e maɓɓe ekkitoto fii jaarugol wano jaarirtee non ka pottital. Si ɓe gaynii ndee jannde, ɲaamidugol e ɓeynguure nden taway ɗun no newanii ɓe.

Rewugol Yahuwah ka ɓeynguure yontere kala wallay en fow no yiɗiren janngugol Deftere Allah nden. E Allaahu on waɗay barki e men. — Zabuura 1:1-3, TMN.

• Fii honɗun suɓantoɗen saa’i fii rewugol Allah ka ɓeynguure ?

• Ko honno mawɓe ɓen waɗirta fii fow no weltora e oo saa’i ?