Sabu ko baaba Aadama e neene Hawaa yeddunoo Alla kon, ko ɗun waɗi hiɗen mari junuubu a, hiɗen tampa e hiɗen maaya. Kono tanƴinaare no woodi. Yahuwah Alla waɗii feere fii no hettoren e junuubu e mayde rewrude Ɓiɗɗo makko on, annabi Iisaa. Deftere Alla nden no janni wonndema annabi Iisaa waɗii cottiigu e hoore okkugol ngurndan makko ɗan. « Cottiigu » ko coggu yoɓaangu fii no goɗɗo hettora. Coggu ngu annabi Iisaa yoɓiri ngun hari ko ngurndan makko timmuɗan ɗan (janngee Matta 20:28). Ko o okkitiri ngurndan makko poomayankejan ɗan ka hoore leydi, annabi Iisaa waɗani en feere fii hettugol ko baaba Aadama e neene Hawaa faɗunoo kon. Annabi Iisaa holluno kadi haa honto kanko e Yahuwah Alla yiɗi en. Ndee toɓɓere tiiɗinay weltaare men nden fii ko annabi Iisaa waɗani en kon.

1. Ko honno mayde annabi Iisaa nden nafirta en hannde ?

Ɓay ko en junuubankeeɓe, en waɗay piiji buy ɗi welataa Yahuwah Alla. Kono si en ninsii fii junuubaaji men ɗin e en torike Yahuwah Alla yaafuyee rewrude annabi Iisaa, e si en wakkilike fii wota en waɗitu ɗun, en waaway heɓude weldigal hiɓɓungal e Alla (1 Yuuhanna 2:1). Deftere Alla nden wi’i : « Almasiihu on kadi maayii fii junuubaaji ɗin nde wootere ko yoni haa poomaa, on Feewuɗo fii ɓe feewaa ɓen, fii addugol on e Alla » (1 Petruusu 3:18).

2. Ko honno mayde annabi Iisaa nden nafirta en ko aroyta ?

Yahuwah Alla nulii annabi Iisaa okkitirgol ngurndan makko timmuɗan ɗan « fii kala gomɗinɗo mo wota halko, kono yo ontigi heɓu ngurndan poomayankejan » (Yuuhanna 3:16). Sabu sadaka annabi Iisaa on, neeɓataa Yahuwah Alla itta kala bone mo yeddoore baaba Aadama waɗi nden. Ɗun no firi si en gomɗinii sadaka annabi Iisaa on, en waaway heɓude ngurndan welɗan haa poomaa ka aljanna e hoore ndii leydi (Isaaya 65:21-23).

 LUGGINEE

3. Mayde annabi Iisaa nden waɗay hettoɗen e junuubu e mayde

1. Baaba Aadama hari ko aaden timmuɗo yedduɗo Alla, nawruɗo tagaaɗo e laawol junuubu e mayde.

2. Annabi Iisaa hari ko aaden timmuɗo, ɗoftiiɗo Alla, nawruɗo tagaaɗo e laawol ngurndan timmuɗan e ngurndan poomayankejan.

4. Mayde annabi Iisaa nden nafay yimɓe ɓen fow

 5. Cottiigu ngun ko dokkal Yahuwah Alla fii mon

Yiɓɓe Yahuwah ɓen no yiiri cottiigu ngun wa dokkal fii maɓɓe. E piide misal janngee Galaasi 2:20 e yewton fii ngal lanndal :

• Ko honno Puulusa sahaabaajo on holliri o yi’irayno cottiigu ngun wa dokkal fii makko ?

Ko baaba Aadama waɗunoo junuubu, kanko e jurriya makko on fow ɲaawaano fii maayugol. Kono Yahuwah Alla nuluno Ɓiɗɗo makko on maayugol fii no heɓiren ngurndan welɗan haa poomaa.

E nder janngugol ɗee aayeeje, miijitee no Yahuwah Alla wa’irnoo ko o yi’aynoo Ɓiɗɗo makko on no tampa. Janngee Yuuhanna 19:1-7, 16-18 e yewton fii ngal lanndal :

• Ko honno wa’irton anndugol ko Yahuwah Alla e annabi Iisaa waɗani on kon ?

 RAWNOODE

Mayde annabi Iisaa nden waɗii feere fii no Yahuwah Alla yaafora junuubaaji men ɗin e heɓen ngurndan welɗan haa poomaa.

Ndartannde

• Fii honɗun annabi Iisaa maayani ?

• Ko honno ngurndan annabi Iisaa timmuɗan ɗan woniri cottiigu yaadungu « fii sottugol fow » ?

• Ko honno mayde annabi Iisaa nden nafirta on ?