TOƁƁERE 9
Ko saa’i hommbo leydi ndin wontoyta Aljanna ?
Piiji bonɗi ko woni e feƴƴude kon, no holli Laamu Allah ngun ɓadike. Luuka 21:10, 11 ; 2 Timotee 3:1-5
Deftere Allah nden no haali fii piiji buy ko woni e feƴƴude hannde. Nde wi’i wonndema yimɓe ɓen wonay yiɗuɓe mbuudi, ɓe doftotaako mawɓe maɓɓe, ɓe wonay yimɓe hiiɗaaɓe e yiɗuɓe fijundaaru.
Leydi ndin dimmboo, gere waɗa, heege waɗa, ɲabbeeli ɗuuɗa. Ɗii piiji fow no feƴƴude hannde.
Kadi, annabi Iisaa innuno, moƴƴereeji fii Laamu Allah ngun waajete e aduna on fow. — Matta 24:14.
Laamu Allah ngun ittoyay ɗii boneeji fow. 2 Petruusu 3:13
Neeɓataa, Yahuwah muloyay bonɓe ɓen fow.
Seytaane e fedde mun nden dummboyte.
Ɓee jentiiɓe Allah heɓoyay aljanna. Hay huunde hulɓinoytaa ɓe. Ɓe hoolondiray, ɓe yiɗindiray.
No gasa on yiɗay kadi
DEFTE E DEFTE CEWƊE
Ko honno laamu Alla ngun woniri ?
Fewndo ko annabi Iisaa wonunoo e hoore ndii leydi, o holluno ko laamu Alla ngun waɗoyta.
DEFTE E DEFTE CEWƊE
Tampere lannoyay ?
Deftere Alla nden wi’i Alla lannoyay tampereeji ɗin fow. Hinde wi’i kadi Alla no aɲi anngal peewal e himo kippi fii yimɓe tigi tigi. Ko honno ɗun nafirta on ?
