Hunorde
KO ALLAAHU LANƊO ON woni jooma tageefo ngon. Ko kanko yaakitorɗen fii ngurndan men ɗan hannde e ko aroyta. Himo mari bawgal okkugol e donkingol. Himo mari bawgal okkugol ngurndan e jaɓitugol ngurndan. Si o newnanii en, moƴƴanay en ; si o newnanaali en, moƴƴantaa en. Ɗun no holli, no rewirten mo non no hitti si o jaɓanii en.
Yimɓe no jokki diinaaji buy. Si diina no wa’i wa laawol, Allah jaɓanay laawi ɗin fow ? Oo’o, hinaa non woniri. Annabi Iisaa, annabaajo Allah, wi’uno ko laawi ɗiɗi woodi. O wi’i : « Ko fii dambugal nawrayngal e hayrannde ngal ko yaajungal. Ɗatal nawrayngal e hayrannde ngal kadi ko weeɓungal, awa-le ɗuuɗuɓe naatiray ɗon. Kono dambugal nawrayngal e ngurndan ngal e ɗatal nawrayngal e ngurndan ngal ko faaɗuɗe, kono ko seeɗaaɓe heɓata ɗen » (Matta 7:13, 14).
Ko diinaaji ɗiɗi tun woodi : diina nawrayka ka ngurndan poomayankejan e diina nawrayka ka hayrannde. Ndee deftere ko winndiraa ko fii wallugol on no yiiron laawol nawrayngol e ngurndan poomayankejan.