Tá an peaca, an fhulaingt agus an bás againn de bhrí go raibh Ádhamh agus Éabha easumhal do Dhia. a Ach níl muid fágtha gan dóchas. Tá an bealach curtha ar fáil ag Iehova chun muid a shaoradh ó mhallacht an bháis agus an pheaca. Múineann an Bíobla gur chuir Íosa éiric ar fáil dúinn trína bhás. Is í an éiric an praghas a íoctar chun duine a scaoileadh saor. D’íoc Íosa an éiric lena bheatha fhoirfe. (Léigh Matha 20:28.) Nuair a thug Íosa suas an ceart a bhí aige maireachtáil go deo ar an talamh, chuir sé an deis ar fáil dúinn chun gach ar chaill Ádhamh agus Éabha a fháil ar ais. Léirigh Íosa agus Iehova méid a ngrá dúinn. Cuirfidh an ceacht seo le do mheas ar bhás Íosa.

1. Cén tairbhe atá i mbás Íosa dúinn inniu?

De bhrí go bhfuil muid neamhfhoirfe, déanann muid go leor rudaí nach dtaitníonn le hIehova. Ach, má tá aiféala orainn faoinár bpeacaí agus maithiúnas a iarraidh ar Iehova in ainm Íosa agus ár ndícheall a dhéanamh gan an rud céanna a dhéanamh arís, is féidir linn caidreamh pearsanta a bheith againn le Dia. (1 Eoin 2:1) Deir an Bíobla: “Óir fuair Críost bás an t-aon uair amháin i ngeall ar pheacaí, an fíréan thar ceann na neamhfhíréan, d’fhonn sinn a thabhairt i láthair Dé.”—1 Peadar 3:18.

2. Cén chaoi a gcabhróidh bás Íosa linn sa todhchaí?

Chuir Iehova Íosa uaidh chun a shaol foirfe a thabhairt ar ár son “i dtreo, gach duine a chreideann ann, nach gcaillfí é ach go mbeadh an bheatha shíoraí aige.” (Eoin 3:16) Ní fada go gcuirfidh Iehova deireadh leis na drochrudaí ar fad atá ag tarlú de bharr easumhlaíocht Ádhaimh, a bhuíochas sin d’Íosa. Mar má léiríonn muid creideamh in éiric Íosa Críost, beidh an deis againn maireachtáil go deo i bparthas ar talamh!—Íseáia 65:21-23.

 DÉAN TAIGHDE

3. Saothraíonn bás Íosa ón bpeaca agus ón mbás sinn

1. Fear foirfe a bhí in Ádhamh ach bhí sé easumhal do Dhia agus thug sé an peaca agus an bás isteach sa saol

2. Fear foirfe a bhí in Íosa a bhí umhal do Dhia agus chuir sé an deis maireachtáil go deo ar fáil do dhaoine

4. Tá tairbhe i mbás Íosa do chuile dhuine

 5. Is bronntanas ó Iehova í an éiric

Is bronntanas pearsanta í an éiric do chairde Iehova. Mar shampla léigh Galataigh 2:20, ansin plé an cheist a leanann:

• Cén chaoi ar léirigh an t-aspal Pól gur bronntanas pearsanta í an éiric?

Nuair a pheacaigh Ádhamh, daoradh é féin agus a shliocht chun báis. Ach chuir Iehova a mhac uaidh chun bás a fháil ionas go mbeadh an deis agat maireachtáil go deo.

Agus tú ag léamh na véarsaí a leanann, déan machnamh ar an gcaoi ar mhothaigh Iehova faoi fhulaingt a mhic. Léigh Eoin 19:1-7, 16-18, ansin plé an cheist a leanann:

• Cén chaoi a mothaíonn tú faoin méid a rinne Iehova agus Íosa ar do shon?

 ACHOIMRE

Cuireann bás Íosa gach a dteastaíonn ar fáil d’Iehova chun ár bpeacaí a mhaitheamh agus tugann sé deis dúinn maireachtáil go deo.

Súil Siar

• Cén fáth a bhfuair Íosa bás?

• Cén fáth arbh ionann luach éiric Íosa agus an bheatha a chaill Ádhamh?

• Cén tairbhe atá i mbás Íosa duitse?