Níl ceiliúradh na Cásca bunaithe ar an mBíobla. Má dhéanann tú staidéar ar stair na Cásca, gheobhaidh tú amach cé dó a sheasann sí—is traidisiún atá ann atá bunaithe ar dheasghnátha torthúlachta ársa. Déan machnamh ar na rudaí seo a leanas.

1.   Ainm: Deir an Encyclopædia Britannica: “Níltear cinnte cé as ar tháinig an t-ainm Béarla Easter; san 8ú haois thóg an sagart Angla-Shacsanach Bede an t-ainm ón mbandia earraigh Angla-Shacsanach Eostre.” Tá daoine eile den tuairim gurbh í Astarta, bandia torthúlachta na bhFéiníceach a raibh Isteár na mBablónach, ina macasamhail aici, atá i gceist.

2.   Giorriacha, coiníní: Is siombailí torthúlachta iad seo “a tháinig anuas ó shearmanais ársa agus siombalachas féilte earraigh págánta na hEorpa agus an Mheánoirthir.”​—Encyclopædia Britannica.

3.   Uibheacha: Cuireann Funk & Wagnalls Standard Dictionary of Folklore, Mythology and Legend síos ar fhiach uibheacha Cásca, a thugann coinín na Cásca do pháistí mar dhea, nuair a deir sé “ní píosa spraoi do ghasúir amháin atá i gceist, ach iarsma de dheasghnáth torthúlachta.” Chreid roinnt cultúir go bhféadfadh ubh Chásca a bhí maisithe “sonas, rath, sláinte agus cosaint a thabhairt go draíochtach.”—Traditional Festivals.

4.   Culaith nua na Cásca: “Ceapadh go raibh sé drochbhéasach agus mar sin go raibh mí-ádh ag baint le beannú do bhandia Lochlannacha an Earraigh, nó Eastre, in aon rud ach in éidí nua.”—The Giant Book of Superstitions.

5.   Seirbhísí Éirí na Gréine: Luadh iad seo le deasghnátha a bhíodh ag adhraitheoirí ársa na gréine “a dhéantaí ag cónocht an earraigh chun fáiltiú roimh an ngrian agus a cumhacht mhór chun beatha nua a thabhairt do gach rud a bhí ag fás.”—Celebrations—The Complete Book of American Holidays.

 Déanann The American Book of Days cur síos ar bhunús na Cásca: “Níl dabht ar bith ach gur ghlac an Eaglais leis na sean-nósanna págánta agus gur thug sí seasamh Críostaí dóibh.”

 Tugann an Bíobla foláireamh dúinn gan a bheith ag adhradh Dé trí úsáid a bhaint as traidisiúin nó nósanna a chuireann buairt air. (Marcas 7:6-8) Deir Dara Corantaigh 6:17: “Scaraigí leo, ná bainigí le rud neamhghlan.” Is saoire págánach í an Cháisc agus fanann siad siúd atá ag iarraidh Dia a shásamh glan uirthi.