Cé a Théann go dtí na Flaithis?
Freagraíonn an Bíobla
Roghnaíonn Dia uimhir theoranta Críostaithe dílse le tógáil chun na bhflaitheas tar éis a mbáis. (1 Peadar 1:3, 4) Ón am a roghnaítear iad, ní mór dóibh leanúint orthu go dílis ag déanamh beart de réir caighdeáin an chreidimh Chríostaí ionas nach ndícháileofar iad óna n-oidhreacht neamhaí.—Eifisigh 5:5; Filipigh 3:12-14.
Céard a bheidh á dhéanamh acu siúd a théann chun na bhflaitheas?
Beidh siad ag rialú in éineacht le hÍosa mar ríthe agus mar shagairt ar feadh 1,000 bliain. (Apacailipsis 5:9, 10; 20:6) Beidh siad páirteach sna “spéartha nua,” nó sa rialtas neamhaí a bheidh ag rialú an “talamh nua,” nó an cine daonna. Cabhróidh na rialtóirí neamhaí seo chun an cine daonna a thabhairt ar ais go dtí an riocht a bhí leagtha amach ag Dia dóibh ón tús.—Íseáia 65:17; 2 Peadar 3:13.
Cé mhéad duine a bheidh ag dul go dtí na flaithis?
Tugann an Bíobla le fios go mbeidh 144,000 Críostaí dílse ag dul ar neamh tar éis a n-aiséirí. (Apacailipsis 7:4) Sa bhfís a chonaic an t-aspal Eoin in Apacailipsis 14:1-3 bhí “an tUan ina sheasamh ar chnoc Shíon”agus an 144,000 in éineacht leis. Sa bhfís seo, seasann “an tUan” d’Íosa tar éis a aiséirí. (Eoin 1:29; 1 Peadar 1:19) Seasann “Cnoc Shíon” den stádas ceannasach atá ag Íosa agus an 144,000 a bheidh ag rialú in éineacht leis ar neamh.—Salm 2:6; Eabhraigh 12:22.
Déantar tagairt don “lucht a glaodh, na tofaigh,” a bheidh ag rialú le Críost ina Ríocht mar ‘an tréad beag.’ (Apacailipsis 17:14; Lúcás 12:32) Léiríonn sé seo gur líon teoranta daoine atá i gceist i gcomparáid leis an líon iomlán caoirigh atá ag Íosa.—Eoin 10:16.
Teagaisc choitianta fúthu siúd a théann go dtí na flaithis
An teagasc coitianta: Téann na daoine maithe go léir go dtí na flaithis.
Fíric: Geallann Dia go mairfidh formhór na daoine maithe ar an talamh.—Salm 37:11, 29, 34.
Deir Íosa: “Níl aon duine a chuaigh suas ar neamh.” (Eoin 3:13) Mar sin léirigh Íosa nach ndeachaigh na daoine maithe a fuair bás roimhe féin, daoine cosúil le hAbrahám, Maois, Iób agus Dáiví, chun na bhflaitheas. (Gníomhartha 2:29, 34) Ach bhí an dóchas acu go mbeadh siad ar ais ina mbeo anseo ar an talamh arís.—Iób 14:13-15.
Tugtar an “chéad aiséirí” ar an aiséirí chun na bhflaitheas. (Apacailipsis 20:6) Tugann sé seo le fios dúinn go mbeidh aiséirí ann. Aiséirí chun na talún atá i gceist leis seo.
Múineann an Bíobla nach mbeidh “an bás ann feasta” nuair a bheidh Ríocht Dé ag rialú. (Apacailipsis 21:3, 4) Is léir gur é an talamh atá i gceist anseo, mar nach raibh an bás riamh sna flaithis.
An teagasc coitianta: Roghnaíonn gach duine an áit a mbeidh aiséirí acu, bíodh sé ar neamh nó anseo ar an talamh.
Fíric: Is é Dia a roghnaíonn cé hiad na Críostaithe dílse a gheobhaidh “an ghairm in airde” sé sin, an dóchas maireachtáil sna flaithis. (Filipigh 3:14) Níl aon bhaint ag fonn nó mian pearsanta leis an duine a roghnaítear.—Matha 20:20-23.
An teagasc coitianta: Tá stádas níos ísle ag baint leis an dóchas maireachtáil go deo ar an talamh, a thairgtear dóibh siúd nach bhfuil na flaithis tuillte acu.
Fíric: Tugann Dia “mo mhuintir” agus “mo dhaoine tofa” orthu siúd a bheidh ag dul ag maireachtáil go deo ar an talamh agus deir sé go mbeidh “beannacht an Tiarna” orthu chomh maith. (Íseáia 65:21-23) Beidh sé de phribhléid acu bunchuspóir Dé don chine daonna a chomhlíonadh—saol síoraí foirfe i bparthas ar an talamh.—Geineasas 1:28; Salm 115:16; Íseáia 45:18.
An teagasc coitianta: Is uimhir shiombalach í 144,000 atá luaite in Apacailipsis.
Fíric: Cé go bhfuil uimhreacha siombalacha luaite in Apacailipsis, tá roinnt uimhreacha cinnte luaite ann freisin. Mar shampla, luann sé “dhá ainm déag dháréag aspal an Uain.” (Apacailipsis 21:14) Féach ar an gcruthúnas a léiríonn gur uimhir chinnte í an 144,000.
Déanann an Bíobla cur síos in Apacailipsis 7:4 ar “líon na ndaoine ar cuireadh séala orthu, [nó atá roghnaithe maireachtáil ar neamh] 144,000.” Ina dhiaidh sin, sa véarsa céanna, tá an dara grúpa luaite: “an mathshlua mór nárbh fhéidir d’aon duine a chomhaireamh.” Tá slánú ó Dhia ar fáil don “mathshlua mór” freisin. (Apacailipsis 7:9, 10) Dá ba rud é gur uimhir shiombalach í an uimhir 144,000, a bhí ag déanamh tagairt do ghrúpa gan uimhir, níor bhféidir comparáid a dhéanamh idir an dá ghrúpa seo. a
a Scríobh an tOllamh Robert L. Thomas freisin faoin uimhir 144,000 atá luaite in Apacailipsis 7:4: “Is uimhir chinnte atá i gceist anseo i gcomparáid leis an uimhir éiginnte atá luaite i 7:9. Dá nglacfaí leis an uimhir seo mar uimhir shiombalach, ní fhéadfaí glacadh le haon uimhir sa leabhar seo mar uimhir chinnte.”—Revelation 1-7: An Exegetical Commentary, leathanach 474.
Tá cur síos déanta freisin ar an 144,000 gur “ceannaíodh iadsan ón gcine daonna mar chéadtorthaí.” (Apacailipsis 14:4) Déanann an téarma “chéadtorthaí” tagairt do líon teoranta daoine. Tá sé ag cur síos orthu siúd a bheidh ag rialú le Críost os cionn an mathshlua mór nárbh bhféidir a chomhaireamh agus a mhairfidh ar an talamh.—Apcailipsis 20:6.
Faisnéis Den Chineál Céanna
TEAGASCA RIACHTANACH ÓN mBÍOBLA
Céard í Ríocht Dé?
Le linn dó a bheith anseo ar an talamh, mhúin Íosa faoi Ríocht Dé níos minice ná mar a mhúin sé faoi aon ábhar eile. Tá a lucht leanúna ag guí leis na céadta bliain go dtiocfaidh an Ríocht sin.
TEAGASCA AN BHÍOBLA
Bain Triail As Ár gCúrsa Staidéir Bíobla
Faigh cúrsa idirghníomhach ar an mBíobla saor in aisce le teagascóir pearsanta.